ന്യൂഡല്ഹി: ഇന്ത്യയുടെ വിദേശനാണ്യ കരുതല് ശേഖരത്തില് കുതിപ്പ് തുടരുന്നു. വിദേശനാണ്യ ശേഖരം ഏപ്രില് 5ന് അവസാനിച്ച ആഴ്ചയില് 2.98 ബില്യണ് ഡോളര് വര്ധിച്ച് (25,000 കോടി രൂപ) 648.56 ബില്യണ് ഡോളറിലെത്തി (54 ലക്ഷം കോടി രൂപ). ഇതില് സ്വര്ണ ശേഖരം 2.4 ബില്യണ് ഡോളര് (20,000 കോടി രൂപ) വര്ധിച്ച് 54.56 ബില്യണ് ഡോളറിലെത്തി (45 ലക്ഷം കോടി രൂപ).
കരുതല് ശേഖരത്തിന്റെ പ്രധാന ഘടകമായ വിദേശ കറന്സി ആസ്തി (എഫ്.സി.എ) 549 മില്യണ് ഡോളര് (4,600 കോടി രൂപ) വര്ധിച്ച് 571.166 ബില്യണ് ഡോളറായി (4,800 കോടി രൂപയായി). റിസര്വ് ബാങ്കിന്റെ ഇടപെടലും കരുതല് ശേഖരത്തില് സൂക്ഷിച്ചിരിക്കുന്ന വിദേശ ആസ്തികളുടെ മൂല്യത്തകര്ച്ചയുമാണ് ഇതിലെ മാറ്റങ്ങള്ക്ക് കാരണം. വിദേശനാണ്യ കരുതല് ശേഖരത്തില് അന്താരാഷ്ട്ര നാണ്യ നിധിയുമായുള്ള (ഐ.എം.എഫ്) ഇന്ത്യയുടെ കരുതല് നില 9 മില്യണ് ഡോളര് (75 കോടി രൂപ) ഉയര്ന്ന് 4.669 ബില്യണ് ഡോളറിലെത്തിയതായി (39,000 കോടി രൂപ) ആര്.ബി.ഐ കണക്കുകള് വ്യക്തമാക്കി.