'പ്രതിസന്ധികളിൽ കൂടെ നിന്നവരെ തിരിച്ചും സഹായിക്കണം': ഇടതുമുന്നണിക്ക് പരോക്ഷ പിന്തുണയുമായി യാക്കോബായ സഭ

തിരുവനന്തപുരം: ലോക്‌സഭാ തിരഞ്ഞെടുപ്പിൽ ഇടതുമുന്നണിയ്‌ക്ക് പരോക്ഷ പിന്തുണയുമായി യാക്കോബായ സഭ . പ്രതിസന്ധികളിൽ സഭയെ സഹായിച്ചവരെ  തിരിച്ച് സഹായിക്കുവാനുമുള്ള ഉത്തരവാദിത്വം  വിശ്വാസികൾക്ക് ഉണ്ടെന്നാണ് സഭ നൽകിയ സന്ദേശത്തിൽ മലങ്കര മെത്രാപ്പൊലീത്ത ജോസഫ് ഗ്രിഗോറിയസ് അറിയിച്ചത്. പുത്തൻകുരിശിൽ വച്ച് സഭയുടെ അസ്‌തിത്വം സംരക്ഷിക്കുമെന്ന് മുഖ്യമന്ത്രി പ്രഖ്യാപിച്ചിരുന്നു,​ ഇത് ചൂണ്ടിക്കാട്ടിയാണ് മലങ്കര മെത്രാപ്പൊലീത്ത നിലപാട് വ്യക്തമാക്കിയത്.

സഭാ തർക്കം പരിഹരിക്കുന്നതിനായി എൽഡിഎഫിൽ നിന്ന് ലഭിച്ചിട്ടുള്ള ഉറപ്പും അതിലെ പ്രതീക്ഷയും സന്ദേശത്തിൽ സഭ പറയുന്നുണ്ട്. കഴിഞ്ഞ നിയമസഭാ തിരഞ്ഞെടുപ്പിലും യാക്കോബായ സഭ ഇടതുമുന്നണിയ്‌ക്ക് അനുകൂലമായ നിലപാടാണ് കൈക്കൊണ്ടത്. പത്രീയാർക്കീസ് ബാവയുടെ സന്ദർശനത്തിനിടയിലും  മുഖ്യമന്ത്രിയുമായി ചർച്ച നടന്നിരുന്നു.