കൊല്ലം: പെൺസുഹൃത്തിന് പിറന്നാൾ കേക്കുമായി എത്തിയ യുവാവിന് ക്രൂരമർദ്ദനമേറ്റതായി പരാതി.പത്തനംതിട്ട കുമ്മണ്ണൂർ സ്വദേശി മുഹമ്മദ് നഹാസിനാണ് മർദ്ദനത്തിൽ പരിക്കേറ്റത്.കൊല്ലം തേവലക്കരയിലാണ് സംഭവം.
കഴിഞ്ഞ ദിവസമാണ് പിറന്നാൾ കേക്കുമായി നഹാസ്.16-കാരിയുടെ ബന്ധുവീട്ടിലെത്തിയത്.പിന്നാലെ ബന്ധുക്കൾ തേങ്ങ തുണിയിൽ പൊതിഞ്ഞ് അടിച്ചെന്നും തൂണിൽ കെട്ടിയിട്ടെന്നും യുവാവ് പരാതിയിൽ പറയുന്നു.
എന്നാൽ നഹാസിന്റെ ഭാഗത്ത് നിന്ന് പരാതിയൊന്നും ലഭിച്ചിട്ടില്ലെന്നാണ് പൊലീസിന്റെ വിശദീകരണം. എന്നാൽ സംഭവത്തിന് പിന്നാലെ പെൺകുട്ടിയുടെ ബന്ധുക്കൾ പൊലീസിൽ പരാതി നൽകി.തുടർന്ന് യുവാവിനെതിരെ പൊലീസ് പോക്സോ കേസെടുക്കുകയായിരുന്നു.