ആനിമേഷൻ രംഗത്ത് പുത്തൻ ചുവടുവെപ്പുമായി എപിക്കയും എക്സെൻട്രിക്സ് സ്റ്റുഡിയോസും

By Greeshma G Nair.16 Mar, 2017

imran-azhar

 

 

 

 

തിരുവനന്തപുരം : ആനിമേഷൻ രംഗത്ത്നൂതന സാങ്കേതിക വിദ്യകൾ കോർത്തിണക്കി എപിക്കയും എക്സെൻട്രിക്സ് സ്റ്റുഡിയോസും ഒന്നിക്കുന്നു .ലോക ജനതയ്ക്ക് ഉയർന്ന നിലവാരത്തിലുള്ള ആനിമേഷൻ എത്തിക്കുക എന്ന ലക്ഷ്യവുമായാണ് ഈ ഒത്തുചേരൽ . ഈ കൂട്ടായ സംരംഭം എക്സെൻട്രിക്സ് സ്റ്റുഡിയോസ് അറ്റ് എപിക്ക എന്ന പേരിൽ ടെക്‌നോപാർക്കിലാണ് പ്രവർത്തിക്കുക .

 

വർഷങ്ങളോളം ആനിമേഷൻ സ്റ്റുഡിയോ രംഗത്ത് പ്രവർത്തിക്കുന്ന എക്സെൻട്രിക്സും ഇന്ത്യൻ സിനിമയെ ലോക നിലവാരത്തിലേക്ക് ഉയർത്തിയ ഏരിസ് ഗ്രൂപ്പ് ഓഫ് കമ്പനീ സിന്റെ എപിക്കയും ഒന്നിക്കുന്നതോടെ കൂടുതൽ ധന നിക്ഷേപം കൊണ്ടു വരികയും ,ഏകദേശം 600 ൽ അധികം പേർക്ക് തൊഴിലവസരം സൃഷ്ടിക്കാനും ഈ സംയുക്ത സംരംഭത്തിലൂടെ സാധിക്കും .



ഇരുപങ്കാളികളുടെയും പ്രശസ്തി കൊണ്ട് മുന്നേറാനും അതോടൊപ്പം ആനിമേഷൻ രംഗത്ത് കൂടുതൽ പുതുമ ഉണ്ടാക്കുക എന്നതുമാണ് ഈ സംരംഭം കൊണ്ട് ലക്ഷ്യമിടുന്നത് .

 

ലോകമെമ്പാടുമുള്ള ഉപഭോക്താക്കൾക്ക് ഉയർന്ന നിലവാരമുള്ള ആനിമേഷൻ പ്രൊജെക്ടുകൾ നൽകുകയെന്നതാണ് ഞങ്ങളുടെ ലക്ഷ്യമെന്നു ഏരീസ് എപ്പിക്കയുടെ സ്ഥാപകനും സി.ഇ.ഓയുമായ സോഹൻ റോയിയും എക്സെൻട്രിക്സ് സ്റ്റുഡിയോസ് സഹസ്ഥാപകനും സിഇഒയുമായ നന്ദീഷ് ഡൊംളൂരും പറഞ്ഞു .

 

 

 

loading...