ഗൗളി ശാസ്ത്രം... ഫലം അത്രമേൽ ഉറപ്പ്

ഗര്‍ഗ്ഗന്‍, വരാഹന്‍, മാണ്ഡ്യന്‍, നാരദന്‍ തുടങ്ങിയ ഋഷീശ്വരന്‍മാരാണ് ഗൗളി(പല്ലി) ശാസ്ത്രം നിര്‍മ്മിച്ചിരിക്കുന്നത്. പലനിറങ്ങളിലും പലമാതൃകയിലും കണ്ടുവരുന്ന ഗൗളിയുടെ ഓരോ ചലനങ്ങളും ഓരോ അവയവങ്ങളില്‍ വീണാല്‍ ഉണ്ടാകുന്ന ഫലങ്ങളുമാണ് ഗൗളിശാസ്ത്രം പ്രവചിക്കുന്നത്. ഓരോ ആഴ്ചകളിലുമുളള പ്രത്യേകതകള്‍ എന്നിവ പൂര്‍ണമായും മനസിലാക്കിയ ശേഷം മാത്രമേ ഫലം നിര്‍ണ്ണയിക്കാൻ പാടുള്ളൂ. സംസാരിക്കുമ്പോൾ പല്ലി ചിലച്ചാൽ അത് സത്യമാണെന്ന് പഴമക്കാർ പറയാറുണ്ട്. പറയുന്ന കാര്യം സത്യമാണെന്ന് പല്ലി സാധൂകരിക്കുന്നെന്ന ഇത്തരം വിശ്വാസങ്ങളിൽ എത്രത്തോളം സത്യമുണ്ട്. ഗൗളിയെ കാണുകയോ ശബ്ദങ്ങള്‍ കേള്‍ക്കുകയോ ചെയ്ത ഉടൻ ഇത്തരം തീരുമാനത്തിലെത്തുന്നത് വലിയ വിഢിത്തമാണെന്നാണ് വിദഗ്ധര്‍ പറയുന്നത്.

author-image
online desk
New Update
ഗൗളി ശാസ്ത്രം... ഫലം അത്രമേൽ ഉറപ്പ്

ഗര്‍ഗ്ഗന്‍, വരാഹന്‍, മാണ്ഡ്യന്‍, നാരദന്‍ തുടങ്ങിയ ഋഷീശ്വരന്‍മാരാണ് ഗൗളി(പല്ലി) ശാസ്ത്രം നിര്‍മ്മിച്ചിരിക്കുന്നത്. പലനിറങ്ങളിലും പലമാതൃകയിലും കണ്ടുവരുന്ന ഗൗളിയുടെ ഓരോ ചലനങ്ങളും ഓരോ അവയവങ്ങളില്‍ വീണാല്‍ ഉണ്ടാകുന്ന ഫലങ്ങളുമാണ് ഗൗളിശാസ്ത്രം പ്രവചിക്കുന്നത്. ഓരോ ആഴ്ചകളിലുമുളള പ്രത്യേകതകള്‍ എന്നിവ പൂര്‍ണമായും മനസിലാക്കിയ ശേഷം മാത്രമേ ഫലം നിര്‍ണ്ണയിക്കാൻ പാടുള്ളൂ. സംസാരിക്കുമ്പോൾ പല്ലി ചിലച്ചാൽ അത് സത്യമാണെന്ന് പഴമക്കാർ പറയാറുണ്ട്. പറയുന്ന കാര്യം സത്യമാണെന്ന് പല്ലി സാധൂകരിക്കുന്നെന്ന ഇത്തരം വിശ്വാസങ്ങളിൽ എത്രത്തോളം സത്യമുണ്ട്. ഗൗളിയെ കാണുകയോ ശബ്ദങ്ങള്‍ കേള്‍ക്കുകയോ ചെയ്ത ഉടൻ ഇത്തരം തീരുമാനത്തിലെത്തുന്നത് വലിയ വിഢിത്തമാണെന്നാണ് വിദഗ്ധര്‍ പറയുന്നത്.

പല്ലി പല നിറത്തിലും രൂപത്തിലുമുള്ള പല്ലികൾ ചൊല്ലുന്ന ശാസ്ത്രവും ഇവയെ അടിസ്ഥാനപ്പെട്ടിരിക്കുന്നു. ഗൗളിയുടെ പ്രത്യേകത പ്രകാരം മാത്രമേ ഈ ശാസ്ത്രത്തെ മനസിലാക്കാൻ സാധിക്കൂ. വെളുത്ത നിറത്തിലുള്ള ഗൗളി ചൊവ്വാഴ്ച ശിരസിന്‍റെ ഇടവും വലവും വീണാല്‍ കലഹമാണ് ഫലം. ശിരസിന് മധ്യത്തില്‍ വീണാല്‍ ബന്ധുക്കളുമായി കലഹത്തിനും ഇടവരുമെന്ന് കാണുന്നു.

റോസാപൂ നിറത്തിലുള്ള ഗൗളി ഞായറാഴ്ച നെറ്റിയുടെ മധ്യത്തില്‍ വീണാല്‍ നിധിനിക്ഷേപം കണക്കാക്കാം. നെറ്റിയുടെ ഇടത് ഭാഗത്താണെങ്കില്‍ അവര്‍ ആഗ്രഹിക്കുന്ന കാര്യം അനായാസേന സാധിക്കും. കൂടാതെ സന്തോഷവും അംഗീകാരവും സുഖവും ലഭിക്കുമെന്നും കാണുന്നു. വലതു ഭാഗത്താണ് വീണതെങ്കില്‍ ഐശ്വര്യം നിത്യേന വര്‍ധിക്കുമെന്നും ഫലം.

നീലനിറമുള്ള ഗൗളി വ്യാഴ്യാഴ്ച വലത്തെ കണ്ണിനു മീതെ വീണാല്‍ പലവിധ സുഖാനുഭവങ്ങളും വന്നുഭവിക്കും. ഇടത്തെ കണ്ണിനു മീതെ വീണാല്‍ കാരാഗ്രഹവാസമാണ് ഫലം. സ്വര്‍ണനിറമുള്ള ഗൗളി ഞായറാഴ്ച വലത്തെ ചെവിയില്‍ വീണാല്‍ ദീര്‍ഘായുസ്സുണ്ടാകുമെന്ന് കാണുന്നു. ഇടതു ഭാഗത്തെ ചെവിയില്‍ വീണാല്‍ സമ്പത്ത് വര്‍ധിക്കുകയും ഉദ്ദിഷ്ട കാര്യങ്ങള്‍ സഫലമാകുകയും ചെയ്യുമെന്നാണ് ഫലം. വെളുപ്പു കറുപ്പും നിറം കലര്‍ന്നതും വാല്‍ മുറിഞ്ഞതുമായ ഗൗളി പുരികത്തിന്‍റെ ഏത് ഭാഗത്ത് വീണാലും സാമ്പത്തിക നഷ്ടമാണ് ഫലം. പുരികത്തിന്‍റെ മധ്യേ വീണാല്‍ സമ്പത്ത് ലാഭവും കാണുന്നു.

ഗൗളി ശരീരത്തില്‍ വീണാലുളള ഫലങ്ങള്‍

ഗൗളി ശിരസിൽ വീണാൽ കലഹവും ഉച്ചിയിൽ വീണാൽ സുഖവും മുഖത്ത് വീണാൽ ബന്ധുസമാഗമവുമാണ് ഫലം. വലതുനെറ്റിയിൽ വീഴുന്നത് സമ്പത്തും ഇടതുനെറ്റി ബന്ധുദര്‍ശനത്തിനും നെറ്റി ഐശ്വര്യത്തിനും വഴികാട്ടുന്നു. തിരുനെറ്റിയിൽ വീണാൽ പുത്രനാശമാകും ഫലം. വലതുകണ്ണ്‌ ശുഭമെന്നും ഇടതുകണ്ണ്‌ നിയന്ത്രണമെന്നുമാണ് ഗൗളി ശാസ്ത്രം പറഞ്ഞ് വെയ്ക്കുന്നത്.

മൂക്കിൽ ഗൗളി വീണാൽ രോഗവും മേല്‍ചുണ്ടിൽ വീണാൽ ധനനാശവും കീഴ്‌ചുണ്ടിൽ വീണാൽ ധനലാഭവും കാണുന്നു. വായിൽ ഗൗളി വീണാൽ ഭയമാണ് ഫലം.

മേല്‍താടിയിൽ ശിക്ഷയും വലതുചെവിയിൽ ദീര്‍ഘായുസും ഇടതുചെവി കച്ചവടമെന്നും കാണുന്നു. കഴുത്തിൽ ഗൗളി വീണാൽ ശത്രുനാശമാണ് ഫലം. വലതു തോള്‍ സ്‌ത്രീസുഖവും വലതു കൈയ്യും ഇടതുകൈയ്യും മരണവും കാട്ടുന്നു. വലതുകൈവിരലിൽ ഗൗളി പതിച്ചാൽ സമ്മാനലബ്ധിയും ഇടതുകൈവിരലിൽ ഗൗളി പതിച്ചാൽ സ്‌നേഹലബ്ധിയുമാണ് ഫലം. നെഞ്ചിൽ ധനലാഭവും സ്‌തനങ്ങൾ പാപസംഭവവുമെന്ന് ശാസ്ത്രം ചൂണ്ടിക്കാട്ടുന്നു. ഹൃദയഭാഗത്ത് വീണാൽ സൗഖ്യവും വയറിൽ വീണാൽ ധാന്യലാഭവും നാഭിയിൽ വീണാൽ രത്‌നലാഭവുമാണ് ഫലം. വലത്തേ അരക്കെട്ട് ജീവിതവും ഇടത്തേ അരക്കെട്ട്‌ മരണവും കാട്ടുന്നു.

മുതുകിൽ പല്ലി വീഴുന്നത് ധനനാശത്തിനാണ് വഴി വെക്കുക. തുടയിൽ വീണാൽ പിതാവിന്‌ രോഗവും കണങ്കാലില്‍ വീണാൽ യാത്രയും വലത്തേപാദത്തിൽ വീഴുന്നത് രോഗപീഢയും ഇടത്തേപാദത്തിൽ വീഴുന്നത് ദുഖവുമെന്ന് കാണുന്നു. ശരീരത്തിലൂടെ സഞ്ചരിച്ചാല്‍ ദീര്‍ഘായുസ്സുമാണ് ഫലം.

Astro