ദശാവതാരങ്ങളെ ഉൾകൊള്ളും ഗോവിന്ദ നാമം

മഹാവിഷ്ണുവിന്റെ ദശാവതാരങ്ങളുമായും യോജിക്കുന്നാണ് ഗോവിന്ദ നാമം. ഗോവിന്ദൻ എന്ന സംസ്കൃതപദത്തിന്ന് നിരവധി അർത്ഥങ്ങൾ ഉണ്ട്.

author-image
online desk
New Update
ദശാവതാരങ്ങളെ ഉൾകൊള്ളും ഗോവിന്ദ നാമം

മഹാവിഷ്ണുവിന്റെ ദശാവതാരങ്ങളുമായും യോജിക്കുന്നാണ് ഗോവിന്ദ നാമം. ഗോവിന്ദൻ എന്ന സംസ്കൃതപദത്തിന്ന് നിരവധി അർത്ഥങ്ങൾ ഉണ്ട്. അതില്‍ ഒന്നാണ് വെള്ളം , ജലത്തിൽ മത്സ്യമായി അവതരിച്ച് വേദങ്ങളെ സംരക്ഷിച്ചു. എന്നതിനാല്‍ എന്ന പേരും ഇണങ്ങും.

കുർമ്മാവതാരവും ജലത്തിൽ ആണല്ലോ . മന്ദരപർവ്വതത്തെ ഉയർത്തിനിർത്തിയത് കൂർമ്മമാണ്. ജലബന്ധം കൊണ്ട് കൂർമ്മാവതാരമായും ഗോവിന്ദൻ യോജിക്കുന്നാണ്. ഗോ എന്നതിനു ഭൂമി ദേവി എന്ന അർത്ഥമുണ്ട് ഭൂമിയെ അസുരന്മാരിൽ നി ന്നും രക്ഷപ്പെട്ടുത്തിയ നിലയ്ക്ക് വരാഹമൂർത്തിക്കും ഗോവിന്ദൻ ഇണങ്ങും. ഗോ എന്നതിന്ന് വാക്ക് പ്രവാഹം എന്നർത്ഥമുണ്ട്. ബ്രഹ്മാവ് തുടങ്ങി ദേവന്മാരല്ലാം വാക്കുകള്‍ കൊണ്ട് സ്തുതിച്ചതുകൊണ്ട് നരസിംഹവും ഗോവിന്ദനാകുന്നു.

ഭൂമി എന്ന ഗോവിനെ മഹാബലിയിൽ നിന്നും ദാനമായി സ്വീകരിച്ച വമനാവതാരത്തിനും ഗോവിന്ദൻ ഉചിതമത്രേ. തന്റെ വെൺമഴുവിനാൽ അധർമ്മത്തെ ഇല്ലായ്മ ചെയ്ത പരശുരാമനും ഭൂമി മുഴുവന്‍ ചൂറ്റിക്കറങ്ങി അധർമ്മത്തെ ജയിച്ചത് കൊണ്ട് ഗോവിന്ദനാമം യോജിക്കുന്നു.

ഗോ എന്നതിന് അസ്ത്രങ്ങൾ എന്നർത്ഥമുണ്ട്. നിരവധി ദിവ്യാസ്ത്രങ്ങൾ കരഗതമാക്കിയ ശ്രീ രാമനും ഗോവിന്ദൻ എന്ന പേരിന് അർഹനാണ്. ഗോ എന്ന ഭൂമിയെ തന്റെ കലപ്പകൊണ്ട് ഉഴുത ബലരാമനും ഗോവിന്ദൻ തന്നെ. ഗോക്കളുടെ പാലകനായി ഗോപലവർഗ്ഗത്തിൽ പിറന്ന ശ്രീകൃഷ്ണൻ എല്ലാ അർത്ഥത്തിലും ഗോവിന്ദനത്രേ. ഭൂമിയില്‍ ധർമ്മം പരിപാലിക്കാനായി അവതാരമെടുക്കുന്നു എന്ന അർത്ഥത്തിൽ കൽക്കിയും ഗോവിന്ദനാകുന്നു. ഗോവിന്ദ നാമ സങ്കീർത്തനം അപ്രകാരം ദശാവതാരങ്ങളായും പ്രാർത്ഥിക്കുന്നതായി ഭവിക്കുന്നു.

the chant govinda and the ten avatars