കിടിലന്‍ ലുക്കില്‍ സ്വിഫിന്റെ പുതിയ സ്‌പോര്‍ട് വരുന്നു....

By Anju N P.11 Aug, 2017

imran-azhar

 


ജാപ്പനീസ് വാഹന നിര്‍മാതാക്കളായ സുസുക്കിയുടെ ജനപ്രിയ മോഡലായ് സ്വിഫ്റ്റിന്റെ പുതിയ സ്‌പോര്‍ട്‌സ് എഡിഷന്‍ കിടിലന്‍ ലുക്കില്‍ അവതരിക്കുന്നു. കടും മഞ്ഞ നിരത്തില്‍ അഗ്രസീവ് രൂപത്തിലുള്ള സ്വിഫ്റ്റ് സ്പോര്‍ട്ടിന്റെ ചിത്രങ്ങള്‍ കമ്പനി പുറത്തുവിട്ടിരുന്നു. ഇപ്പോഴിതാ എന്‍ജിന്‍ പ്രത്യേകതകളും മൈലേജും അടക്കമുള്ള വിവരങ്ങളാണ് വെളിപ്പെടുന്നത്. 2017 സെപ്തംബറില്‍ ഫ്രാങ്ക്ഫര്‍ട്ട് മോട്ടോര്‍ ഷോയിലാണ് സ്വിഫ്റ്റ് സ്‌പോര്‍ട്ടിനെ സുസുക്കി ലോകത്തിന് പരിചയപ്പെടുത്തുക.

 

അടിസ്ഥാന മോഡലില്‍ നിന്ന് വ്യത്യസ്തമായി മുന്നിലെയും പിന്നിലെയും ബംമ്പര്‍, ഗ്രില്‍ എന്നിവയുടെ ഡിസൈനില്‍ മാറ്റമുണ്ട്. അലോയി വീലിന്റെ രൂപഭംഗി കരുത്താവാഹിക്കും. 1.4 ലിറ്റര്‍ കെ14സി ബൂസ്റ്റര്‍ജെറ്റ് ടര്‍ബോ ചാര്‍ജ്ഡ് 4 സിലിണ്ടര്‍ പെട്രോള്‍ എന്‍ജിനായിരിക്കും സ്വിഫ്റ്റ് സ്‌പോര്‍ട്ടിന് കരുത്താകുക. 5500 ആര്‍പിഎമ്മില്‍ 148 ബിഎച്ച്പി കരുത്താകും ഈ എന്‍ജിന്‍ ഉത്പാദിപ്പിക്കുക. 1500-4000 ആര്‍പിഎമ്മില്‍ 245 എന്‍എം ടോര്‍ക്കും ലഭിക്കും. 6 സ്പീഡ് ഓട്ടോമാറ്റിക്ക്, 6 സ്പീഡ് മാനുവല്‍ ഗിയര്‍ ബോക്സാണ് ട്രാന്‍സ്മിഷന്‍ ചുമതല നിര്‍വഹിക്കുക.

 

മാനുവല്‍ വേരിയന്റിന് 970 കിലോഗ്രാം ഭാരവും ഓട്ടോമാറ്റിക്കിന് 990 കിലോഗ്രാം ഭാരവുമായിരിക്കും. നിലവിലെ മോഡലിനേക്കാള്‍ 90 കിലോഗ്രാം കുറവായിരിക്കും സ്‌പോര്‍ട്ടിനുണ്ടാകുക. മാനുവല്‍ ട്രാന്‍സ്മിഷനില്‍ 16.4 കിലോമീറ്ററും ഓട്ടോമാറ്റിക്കില്‍ 16.2 കിലോമീറ്ററുമായിരിക്കും മൈലേജ് ലഭിക്കുകയെന്ന് റിപ്പോര്‍ട്ടില്‍ പറയുന്നു. സാധാരണ മോഡല്‍ പോലെ തന്നെ 1735 എംഎം തന്നെയായിരിക്കും ഈ പുതുമുഖത്തിന്റെയും വലുപ്പം. കരുത്തും ഗ്ലാമറും കൂട്ടിയെത്തുന്ന സ്‌പോര്‍ട്ട് മോഡലിന് ഏകദേശം പത്തു ലക്ഷം രൂപയില്‍ അധികമായിരിക്കും വില.

loading...

OTHER SECTIONS