മാനദണ്ഡങ്ങള് പാലിച്ചാണ് എച്ച്ഓപി ഓക്സോ തദ്ദേശീയമായി രൂപകല്പ്പന ചെയ്തിരിക്കുന്നത് എന്നും 14 സംസ്ഥാനങ്ങളിലായി 75,000 കിലോമീറ്റര് റോഡ് ടെസ്റ്റിംഗ് ഓക്സോ പൂര്ത്തിയാക്കി എന്നും ഫിനാന്ഷ്യല് എക്സ്പ്രസ് ഡ്രൈവ് റിപ്പോര്ട്ട് ചെയ്യുന്നു.
എച്ച്ഓപി ഇലക്ട്രിക്കിന്റെ വരാനിരിക്കുന്ന ഇലക്ട്രിക് മോട്ടോര്സൈക്കിളാണ് ഓക്സോ. ഈ സ്കൂട്ടറിന്റെ ബാറ്ററികള്ക്കായുള്ള AIS 156, അതിന്റെ വിശ്വാസ്യത, പ്രകടനം, ഗുണനിലവാരം, സുരക്ഷ എന്നിവ ഉള്പ്പെടുന്ന ടെസ്റ്റുകള് വിജയകരമായി പൂര്ത്തിയാക്കിയതിന് ഓട്ടോമോട്ടീവ് റിസര്ച്ച് അസോസിയേഷന് ഓഫ് ഇന്ത്യയുടെ അംഗീകാരം ലഭിച്ചതായി റിപ്പോര്ട്ട്.
മാനദണ്ഡങ്ങള് പാലിച്ചാണ് എച്ച്ഓപി ഓക്സോ തദ്ദേശീയമായി രൂപകല്പ്പന ചെയ്തിരിക്കുന്നത് എന്നും 14 സംസ്ഥാനങ്ങളിലായി 75,000 കിലോമീറ്റര് റോഡ് ടെസ്റ്റിംഗ് ഓക്സോ പൂര്ത്തിയാക്കി എന്നും ഫിനാന്ഷ്യല് എക്സ്പ്രസ് ഡ്രൈവ് റിപ്പോര്ട്ട് ചെയ്യുന്നു. രാജ്യത്തുടനീളമുള്ള HOP OXO-യുടെ വാണിജ്യ ഉല്പ്പാദനത്തിനായി കമ്പനി ഇപ്പോള് ഒരുങ്ങുകയാണ്. ജൂലൈ അവസാനമോ ആഗസ്റ്റ് ആദ്യമോ ലോഞ്ച് ചെയ്യാന് പദ്ധതിയിട്ടിരിക്കുകയാണ് എന്നും കമ്പനി പറഞ്ഞു.
ജയ്പൂര് ആസ്ഥാനമായുള്ള ഇവി കമ്പനിയായ എച്ച്ഓപി 10 മില്യണ് ഡോളര് പ്രീ-സീരീസ് ഫണ്ട്റൈസറിന്റെ ഭാഗമായി 2.6 മില്യണ് ഡോളര് സമാഹരിച്ചു. കൂടാതെ, 2021-ല് 6200ല് അധികം ഓണ്-റോഡ് സ്കൂട്ടറുകളുള്ള 130 റീട്ടെയില് ടച്ച് പോയിന്റുകള് കമ്പനി സ്ഥാപിച്ചു. ഏറ്റവും പുതിയ ധനസമാഹരണത്തോടെ, കമ്പനി ഈ വര്ഷം 10X വളര്ച്ചയാണ് ലക്ഷ്യമിടുന്നത്.
അറായ് സര്ട്ടിഫിക്കേഷനും പിഎല്ഐ സ്കീമിന്റെ കരുത്തും ലഭിച്ചത് അങ്ങേയറ്റം സന്തോഷകരമായ നേട്ടമാണെന്ന് HOP ഇലക്ട്രിക് സിഇഒയും സഹസ്ഥാപകനുമായ കേതന് മേത്ത പറഞ്ഞു. ഈ നേട്ടം സൂചിപ്പിക്കുന്നത്, ഒരു സ്ഥാപനം എന്ന നിലയില്, ഇന്ത്യയില് നിര്മ്മിച്ച വൈദ്യുത വാഹനങ്ങള് പുറത്തിറക്കുന്നതിനുള്ള ഇന്ത്യന് ഗവേഷണ-വികസന മികവോടെ ഒരു യഥാര്ത്ഥ തദ്ദേശീയ ബ്രാന്ഡ് വികസിപ്പിക്കുന്നതിനുള്ള കമ്പനിയുടെ ശ്രമങ്ങള് ട്രാക്കിലാണെന്ന് ആണെന്നും അദ്ദേഹം കൂട്ടിച്ചേര്ത്തു.