/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/448cd3c9d8d1787c282f05cde3da825a9402e1630855934b3fbc79e128130ab4.jpg)
പ്രമുഖ ഫ്രഞ്ച് വാഹന നിര്‍മാതാവായ സിട്രോണ്‍ തങ്ങളുടെ പുതിയ മിഡ്-സൈസ് എസ്യുവി സി3 എയര്‍ക്രോസ് ആഭ്യന്തര വിപണിയില്‍ അവതരിപ്പിച്ചു. വാഹനത്തിന്റെ ബുക്കിംഗും ആരംഭിച്ചു. ഇപ്പോള്‍ വാങ്ങാന്‍ ആഗ്രഹിക്കുന്നവര്‍ക്ക് 25,000 രൂപ മുടക്കി വാഹനം ബുക്ക് ചെയ്യാം. മോഡല്‍ ഉടന്‍ ലോഞ്ച് ചെയ്യും. ഈ എസ്യുവി മോഡല്‍ ലൈനപ്പ് മൂന്ന് വ്യത്യസ്ത ട്രിമ്മുകള്‍ വാഗ്ദാനം ചെയ്യുന്നു.
യു, പ്ലസ്, മാക്സ് എന്നിങ്ങനെ മൂന്ന് വേരിയന്‌റുകളിലാണ് സിട്രോണ്‍ ഈ എസ്യുവിയെ അവതരിപ്പിച്ചിരിക്കുന്നത്. 5-സീറ്റര്‍, 7-സീറ്റര്‍ എന്നിങ്ങനെ രണ്ട് സീറ്റിംഗ് കോണ്‍ഫിഗറേഷനുകള്‍ തിരഞ്ഞെടുക്കാം. 'യു' അതിന്റെ അടിസ്ഥാന വേരിയന്റാണ്, യൂ വേരിയന്റിന് 9.99 ലക്ഷം രൂപയാണ് വില, മിഡ് വേരിയന്റ് 'പ്ലസ്', ടോപ്പ് വേരിയന്റ് 'മാക്സ്' എന്നിവയുടെ വിലയും ഉടന്‍ പ്രഖ്യാപിക്കും.
ഒക്ടോബര്‍ 15 മുതല്‍ ഡെലിവറി ആരംഭിക്കുമെന്ന് കമ്പനി അറിയിച്ചു. വിപണിയില്‍ അതിന്റെ മത്സരം പ്രധാനമായും ഹ്യുണ്ടായ് ക്രെറ്റ , കിയ സെല്‍റ്റോസ് തുടങ്ങിയ മോഡലുകളോടാണ്. ഇവയുടെ വില യഥാക്രമം 10.87 ലക്ഷം, 10.90 ലക്ഷം രൂപയില്‍ തുടങ്ങുന്നു.
109 ബിഎച്ച്പി കരുത്തും 190 എന്‍എം ടോര്‍ക്കും ഉല്‍പ്പാദിപ്പിക്കുന്ന 1.2 ലിറ്റര്‍ ശേഷിയുള്ള ടര്‍ബോ പെട്രോള്‍ എഞ്ചിനാണ് കമ്പനി ഈ എസ്യുവിയില്‍ നല്‍കിയിരിക്കുന്നത്. ഈ എഞ്ചിന്‍ 6-സ്പീഡ് മാനുവല്‍ ട്രാന്‍സ്മിഷന്‍ ഗിയര്‍ബോക്‌സുമായി ഘടിപ്പിച്ചിരിക്കുന്നു.
പോളാര്‍ വൈറ്റ്, പ്ലാറ്റിനം ഗ്രേ, സ്റ്റീല്‍ ഗ്രേ, കോസ്മോ ബ്ലൂ, പോളാര്‍ വൈറ്റ് വിത്ത് കോസ്മോ ബ്ലൂ റൂഫ്, സ്റ്റീല്‍ ഗ്രേ വിത്ത് കോസ്മോ ബ്ലൂ റൂഫ്, സ്റ്റീല്‍ ഗ്രേ വിത്ത് പോളാര്‍ വൈറ്റ് റൂഫ്, കോസ്മോ ബ്ലൂ , പോളാര്‍ വൈറ്റ് റൂഫ്, പോളാര്‍ വൈറ്റ് റൂഫുള്ള പ്ലാറ്റിനം ഗ്രേ, പ്ലാറ്റിനം ഗ്രേ റൂഫുള്ള പോളാര്‍ വൈറ്റ് എന്നിവയുള്‍പ്പെടെ വൈവിധ്യമാര്‍ന്ന കളര്‍ ഓപ്ഷനുകളാണ് സിട്രോണ്‍ സി3 എയര്‍ക്രോസ് ഉപഭോക്താക്കള്‍ക്ക് നല്‍കുന്നത്.
സിഎംപി മോഡുലാര്‍ പ്ലാറ്റ്ഫോമില്‍ നിര്‍മ്മിച്ച സിട്രോണ്‍ സി3 എയര്‍ക്രോസിന് 4.3 മീറ്റര്‍ നീളവും 2,671 എംഎം വീല്‍ബേസും ഉണ്ട്.ഇത് ക്രെറ്റയേക്കാള്‍ നീളമുണ്ട്. ഈ പുതിയ സിട്രോണ്‍ എസ്യുവിയുടെ ഡിസൈനും സ്‌റ്റൈലിംഗും C3 ഹാച്ച്ബാക്കിനോട് സാമ്യമുള്ളതാണ്. മുന്‍വശത്ത്, ഇരട്ട-പാളി ഡിസൈനും പിയാനോ ബ്ലാക്ക് ഇന്‍സേര്‍ട്ടുകളുമുള്ള സിട്രോണിന്റെ സിഗ്‌നേച്ചര്‍ ഗ്രില്‍, Y- ആകൃതിയിലുള്ള DRL-കളുള്ള ഹാലൊജന്‍ ഹെഡ്ലാമ്പുകള്‍, ഉയരമുള്ള ഫ്രണ്ട് ബമ്പര്‍, വൃത്താകൃതിയിലുള്ള ഫോഗ് ലാമ്പ് എന്‍ക്ലോസറുകളാല്‍ ചുറ്റപ്പെട്ട പ്രത്യേക എയര്‍ ഇന്‍ടേക്ക് വെന്റുകള്‍ തുടങ്ങിയവ ഉള്‍പ്പെടുന്നു.
ഉയര്‍ന്ന വേരിയന്റുകളില്‍ എക്സ് ആകൃതിയിലുള്ള രൂപകല്‍പ്പനയുള്ള ഡ്യുവല്‍-ടോണ്‍ 17 ഇഞ്ച് അലോയ് വീലുകള്‍ സജ്ജീകരിച്ചിരിക്കുന്നു. വാഹനത്തിന്റെ പിന്‍ഭാഗം ചതുരാകൃതിയിലുള്ള ടെയില്‍ലാമ്പുകള്‍, ക്ലാഡിംഗോടുകൂടിയ ഉയരമുള്ള ബമ്പര്‍, വിശാലമായ ടെയില്‍ഗേറ്റ് എന്നിവ നല്‍കിരിക്കുന്നു.
അഞ്ച് സീറ്റര്‍ C3 എയര്‍ക്രോസ് 5+2 സീറ്റിംഗ് ലേഔട്ട് വാഗ്ദാനം ചെയ്യുന്നു കൂടാതെ 444 ലിറ്റര്‍ ബൂട്ട് സ്‌പേസ് നല്‍കുന്നു. 7-സീറ്റര്‍ പതിപ്പ് മടക്കാവുന്ന മൂന്നാം നിരയുമായി വരുന്നു. കൂടാതെ 511 ലിറ്റര്‍ കാര്‍ഗോ സ്‌പേസ് വാഗ്ദാനം ചെയ്യുന്നു.
10 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, ഓള്‍-ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍, ഇലക്ട്രിക്കലി അഡ്ജസ്റ്റ് ചെയ്യാവുന്ന വിംഗ് മിററുകള്‍, ലെതറെറ്റ് അപ്ഹോള്‍സ്റ്ററി, കണക്റ്റഡ് കാര്‍ ടെക്നോളജി, കീലെസ് എന്‍ട്രി, ഡ്രൈവര്‍ സീറ്റിനുള്ള മാനുവല്‍ ഉയരം ക്രമീകരിക്കല്‍ എന്നിവയാണ് ശ്രദ്ധേയമായ സവിശേഷതകള്‍.