വിപണിയിലെ റിയല്‍ 'ഹീറോ', വില്‍പ്പനയില്‍ നമ്പര്‍ വണ്‍

ആഭ്യന്തര വിപണിയില്‍ ഹീറോ മോട്ടോകോര്‍പ്പ് ആധിപത്യം. 100-110 സിസി കമ്മ്യൂട്ടര്‍ മോട്ടോര്‍സൈക്കിള്‍ വില്‍പ്പന ചാര്‍ട്ടിലാണ് വലിയ മുന്നേറ്റം നടത്തിയത്. കഴിഞ്ഞ മാസത്തെ ആദ്യ അഞ്ച് സ്ഥാനങ്ങളില്‍ മൂന്നിലും ഹീറോ സ്ഥാനം പിടിച്ചു.

2022 ഒക്ടോബറില്‍ 2,33,321 യൂണിറ്റ് വില്‍പ്പനയുമായി സ്പ്ലെന്‍ഡര്‍ ചാര്‍ട്ടില്‍ മുന്നിലാണ്. ഈ പട്ടികയിലെ രണ്ടാമത്തെ മോട്ടോര്‍ സൈക്കിളിനേക്കാള്‍ ഏകദേശം മൂന്ന് മടങ്ങാണ് വില്‍പ്പന. രണ്ടാം സ്ഥാനം ഹീറോ മോട്ടോകോര്‍പ്പിന്റെ ഒഎ ഡീലക്സിനാണ്. ഈ മോട്ടോര്‍സൈക്കിളിന്റെ 78,076 യൂണിറ്റുകളാണ് വിറ്റഴിച്ചത്.

ബജാജ് ഓട്ടോയുടെ പ്ലാറ്റിന അതേ മാസം 57,842 യൂണിറ്റ് വില്‍പ്പന രേഖപ്പെടുത്തി പട്ടികയില്‍ മൂന്നാം സ്ഥാനത്തെത്തി. ഹീറോ പാഷന്‍ നാലാം സ്ഥാനത്തെത്തി 31,964 യൂണിറ്റ് വില്‍പ്പന രേഖപ്പെടുത്തി. ടിവിഎസ് സ്പോര്‍ട് 18,126 യൂണിറ്റ് വില്‍പ്പനയുമായി അഞ്ചാം സ്ഥാനത്താണ്.

2022 ഒക്ടോബറില്‍ മൊത്തത്തിലുള്ള ഇരുചക്രവാഹന വില്‍പ്പന ചാര്‍ട്ടിലും ഹീറോ സ്പ്ലെന്‍ഡര്‍ ഒന്നാമതെത്തി. എന്നാല്‍, പാഷന്‍ ഒഴികെയുള്ള എല്ലാ ഉല്‍പ്പന്നങ്ങളുടെയും വില്‍പ്പനയില്‍ ഈ മാസത്തെ വാര്‍ഷിക വില്‍പ്പനയില്‍ ഇടിവ് രേഖപ്പെടുത്തി.