സ്കോർപിയോ S3+; ഇന്ത്യൻ വിപണിയിൽ പുതിയ ബേസ് വേരിയന്‍റ് അവതരിപ്പിച്ച് മഹീന്ദ്ര

രാജ്യത്തെ മുൻനിര വാഹനനിർമ്മാതാക്കളാണ് മഹീന്ദ്ര ആൻഡ് മഹീന്ദ്ര. പുതിയ മഹീന്ദ്ര സ്കോർപിയോ S3+ വേരിയന്റിന് 11.99 ലക്ഷം രൂപയാണ് എക്സ്-ഷോറൂം വില, 12.67 ലക്ഷം രൂപ വിലമതിക്കുന്ന S5 ട്രിമിനേക്കാൾ 68,000 രൂപ കുറവാണിതിന്.

2.2 ലിറ്റർ എംഹോക്ക് ഡീസൽ എഞ്ചിനാണ് മഹീന്ദ്ര സ്കോർപിയോയുടെ പുതിയ എൻട്രി ലെവൽ ട്രിമ്മിൽ കമ്പനി നൽകുന്നത്. എസ്‌യുവി ബി‌എസ് VI ലേക്ക് മാറ്റുന്നതിനിടെ സ്കോർപിയോയിലെ S3 ട്രിം മുമ്പ് നിർത്തലാക്കിയിരുന്നു.

എന്നിരുന്നാലും, എസ്‌യുവി കൂടുതൽ താങ്ങാനാവുന്ന ആരംഭ വിലയ്ക്ക് വാഗ്ദാനം ചെയ്തുകൊണ്ട് വേരിയന്റ് ഇപ്പോൾ നിർമ്മാതാക്കൾ തിരികെ കൊണ്ടുവന്നു.

എസ് 3, എസ് 5, എസ് 7, എസ് 11 എന്നിങ്ങനെ നാലു വകഭേദങ്ങളില്‍ എത്തിയ പുതിയ സ്‍കോർപിയോയെയും ജനം നെഞ്ചേറ്റിയിരുന്നു.

മാനുവൽ സെൻട്രൽ ലോക്കിംഗ്, ടിൽറ്റ് അഡ്ജസ്റ്റ് സ്റ്റിയറിംഗ്, 17 ഇഞ്ച് സ്റ്റീൽ വീലുകൾ, മാനുവൽ HVAC തുടങ്ങിയവയാണ് സ്കോർപിയോ S3+യുടെ സവിശേഷതകൾ.