റോയല് എന്ഫീല്ഡിന്റെ ജനപ്രിയ മോട്ടോര് സൈക്കിളുകളിലൊന്നായ ക്ളാസിക്ക് 350യുടെ സിംഗിള് സീറ്റ് വകഭേദത്തെ വിപണിയില് അവതരിപ്പിച്ചു. ബോബര് രൂപകല്പ്പനയുമായി എത്തിയ ജാവ പെറാക്കിന് എതിരാളിയായാണ് കമ്പനി ഈ മോഡല് പുറത്തിറക്കുന്നത്. സിംഗിള് സീറ്റ് മാത്രമല്ല ബൈക്കിന്റെ പ്രത്യേകത. ഉപഭോക്താക്കള്ക്ക് അവരുടെ ബൈക്കിനായി നിരവധി ഓപ്ഷനുകളും റോയല് എന്ഫീല്ഡ് നല്കും. ഏറ്റവും പുതിയ റോയല് എന്ഫീല്ഡ് ക്ളാസിക്ക് 350 സിംഗിള് സീറ്റര് വാങ്ങുന്നവര്ക്ക് മാത്രമേ ഈ പുതിയ സംരംഭം തെരഞ്ഞെടുക്കാന് സാധിക്കൂ. മെര്ക്കുറി സില്വര്, പ്യുവര് ബ്ളാക്ക് എന്നീ രണ്ട് കളര് ഓപ്ഷനിലാണ് മോട്ടോര് സൈക്കിള് വിപണയിലെത്തുന്നത്.
1.45 ലക്ഷം രൂപയാണ് ബൈക്കിന്റെ പ്രാരംഭ വില. മെയ്ക്ക് യുവര് ഓണ്' എന്ന പ്രത്യേക സംരഭത്തിന്റെ ഭാഗമായാണ് ഈ മോഡല് വിപണിയിലെത്തിക്കുന്നത്. റോയല് എന്ഫീല്ഡ് ഉപഭോക്താക്കള് പലപ്പോഴും തങ്ങളുടെ മോട്ടോര് സൈക്കിള് മോഡിഫിക്കേഷന് ചെയ്യാറുണ്ട്. അനന്തര വിപണന ഇന്സ്റ്റാളേഷനുകള് ബൈക്കിന്റെ വാറണ്ടിയെ അസാധുവാക്കുന്നു.
ഈ പ്രശ്നത്തെ നേരിടാന്, റോയല് എന്ഫീല്ഡ് അവതരിപ്പിച്ച പ്രോഗ്രാമാണ് 'മെയ്ക്ക് യുവര് ഓണ്' ഡല്ഹി എന്സിആര്, ബാംഗ്ളൂര്, ചെന്നൈ, ഹൈദരാബാദ്, മുംബൈ, പൂനെ എന്നീ 6 നഗരങ്ങളിലെ 141 ഡീലര്ഷിപ്പുകളിലാണ് ഈ സംരംഭം ആരംഭിച്ചിരിക്കുന്നത്. പുതിയ ക്ളാസിക് 350ല് മാത്രമാണ് ഇപ്പോള് സിംഗിള് സീറ്റ് ഓപ്ഷന് ലഭിക്കുക. ഫാക്ടറി ഘടിപ്പിച്ച ആക്സസറികള് ശരിയായി ലഭിക്കുന്ന വ്യക്തിഗത സേവനമാണിത്.
ബൈക്ക് ബുക്ക് ചെയ്യുന്ന സമയത്ത് തെരഞ്ഞെടുത്ത ഈ ആക്സസറികള് ഫാക്ടറിയില് തന്നെ ഇന്സ്റ്റാള് ചെയ്യും. അവ സര്ക്കാര്, ആര്ടിഒ മാനദണ്ഡങ്ങള് അനുസരിച്ച് യഥാര്ത്ഥവും ഏകീകൃതവുമാകും. ഈ ഫാക്ടറി ആക്സസറികള് ബൈക്കിനെ സ്വന്തം ഇഷ്ടത്തിനനുസരിച്ച് വ്യക്തിഗതമാക്കുക മാത്രമല്ല വാറണ്ടിയെ ബാധിക്കുകയില്ലെന്ന് ഉറപ്പാക്കുകയും ചെയ്യുന്നു. ഫാക്ടറി ഘടിപ്പിച്ച കസ്റ്റമൈസേഷന് ഓപ്ഷനുകള് ബുക്കിംഗ് ഘട്ടത്തില് തന്നെ 2 വര്ഷത്തെ വാറണ്ടിയോടെയാണ് വാഗ്ദാനം ചെയ്യുന്നത്.
ഡ്യുവല് ടോണ് കളര് ഓപ്ഷനുമായി റോയല് എന്ഫീല്ഡ് ഹിമാലയന് എത്തുന്നു 'മെയ്ക്ക് യുവര് ഓണ്'സംരംഭത്തിന്റെ കീഴില് അവതരിപ്പിച്ച റോയല് എന്ഫീല്ഡ് ക്ളാസിക് 350 വിജയകരമാണെന്ന് തെളിഞ്ഞുകഴിഞ്ഞാല് ഘട്ടംഘട്ടമായി മറ്റ് ആര്ഇ മോഡലുകളിലേക്ക് ഈ സൗകര്യം വ്യാപിപ്പിക്കും. സുരക്ഷക്കായി ഡ്യുവല് ചാനല് എബിഎസും മോട്ടോര് സൈക്കിളില് വാഗ്ദാനം ചെയ്യുന്നു.