ന്യൂഡൽഹി: എസ് ബി ഐ ഉപഭോക്താക്കൾക്ക് യു പി ഐ വഴി ഇടപാടുകൾനടത്തുന്നതിൽ തടസ്സം നേരിടുന്നതായി റിപ്പോർട്ട് ; ഏതാനും ദിവസങ്ങളിലായി പ്രശനം തുടരുന്നു എന്നാൽ ഈ പ്രശ്നം അധികൃതർ ഇതുവരെ പരിഹരിച്ചിട്ടില്ല എന്നാണ് വിവരം. നിരവധി അക്കൗണ്ട് ഉടമകളാണ് ട്വിറ്ററിലോടെ ഈ കാര്യം അറിയിച്ചിരിക്കുന്നത്. രണ്ടുദിവസം മുൻപാണ് എസ് ബി ഐ യുടെ അക്കൗണ്ട് വഴിയുള്ള യു പി ഐ ഡിജിറ്റൽ പണമിടപാടുകൾ നടത്താനാകുന്നിലെന്ന പരാതി ഉയർന്നത്.ഗൂഗിൾ പേ, ഫോൺ പേ , പേ ടിഎം, ഭീം തുടങ്ങിയ ആപുകളെല്ലാം തന്നെ പ്രശ്നം നേരിടുന്നുണ്ട്.
Dear Customer, We regret the inconvenience caused. There are intermittent connectivity issues with our UPI app. Our team is on the job to resolve it at the earliest.
— State Bank of India (@TheOfficialSBI) August 10, 2020
വ്യാപകമായി പരാതികൾ ഉയർന്നതോടെ ബാങ്ക് തന്നെ ഈ കാര്യത്തിൽ ട്വിറ്ററിലൂടെ വിശദീകരണം നൽകി. എസ് ബി ഐ യുടെ യു പി ഐ അപ്പുകളിൽ ഇടക്കിടെ കണക്റ്റിവിറ്റി പ്രശ്നങ്ങൾ നേരിടുന്നുണ്ടെന്നും അത് പരിഹരിക്കാനുള്ള ശ്രമങ്ങൾ തുടരുകയാണ് എന്നായിരുന്നു വിശദീകരണം. കൂടാതെ ഉപഭോക്താക്കൾ മറ്റു ഡിജിറ്റൽ പേയ്മെന്റ് മാര്ഗങ്ങള് ഉപയോഗിക്കാനും എസ് ബി ഐ അഭ്യർത്ഥിച്ചു. എന്നാൽ രണ്ട് ദിവസം കഴിഞ്ഞിട്ടും പ്രശ്നങ്ങൾ പരിഹരിച്ചിട്ടില്ലെന്നാണ് ഉപഭോക്താക്കൾ ചൂണ്ടിക്കാണിക്കുന്നത്.