'ഞാന്‍ അത് ചെയ്തതാണ്. പക്ഷേ ലൈംഗികമായി ബന്ധപ്പെട്ടിരുന്നില്ല ; ഏഴു വയസ്സുകാരിയെ പീഡിപ്പിക്കാന്‍ ശ്രമിച്ച പ്രിന്‍സിപ്പലിന്റെ വിശദീകരണം

By Anju N P.04 Dec, 2017

imran-azhar

 

റാഞ്ചി: ഏഴു വയസ്സുകാരിയെ സ്‌കൂള്‍ ശുചിമുറിയില്‍ പീഡിപ്പിക്കാന്‍ ശ്രമിച്ച സംഭവത്തില്‍ പിടിക്കപ്പെട്ട സ്‌കൂള്‍ പ്രിന്‍സിപ്പല്‍ കുറ്റം നിഷേധിച്ചു. താന്‍ അത് ചെയ്തതു തന്നെയാണെന്ന് പ്രതി സമ്മതിച്ചു. എന്നാല്‍ ലൈംഗിക ബന്ധം നടക്കാത്തതിനാല്‍ അതില്‍ തെറ്റില്ലെന്നാണ് ഇയാളുടെ വാദം. ഝാര്‍ഖണ്ഡിലെ കൊദേര്‍മ ജില്ലയിലെ സ്‌കൂളിലാണ് വിദ്യാര്‍ത്ഥിനിക്കു നേരെ ബുധനാഴ്ച പീഡനശ്രമം നടന്നത്.

 

കുട്ടിയെ ശുചിമുറിയിലേക്ക് എടുത്തുകൊണ്ടുപോയ പ്രിന്‍സിപ്പല്‍ എസ്.സേവ്യര്‍ അവളുടെ സ്വകാര്യ ഭാഗങ്ങളില്‍ സ്പര്‍ശിക്കുകയായിരുന്നു. കുട്ടി കരഞ്ഞുബഹളം വച്ചതോടെ പണം നല്‍കുകയും ആരോടും പറയരുതെന്ന് നിര്‍ദേശിക്കുകയും ചെയ്തു. എന്നാല്‍ കുട്ടി മാതാപിതാക്കളോട് ഇക്കാര്യം തുറന്നുപറഞ്ഞതോടെയാണ് പ്രിന്‍സിപ്പല്‍ അറസ്റ്റിലായത്.

 

വെള്ളിയാഴ്ച അറസ്റ്റിലായ സേവ്യറെ മാധ്യമങ്ങള്‍ക്കു മുന്നില്‍ പോലീസ് കൊണ്ടുവന്നിരുന്നു. ഈ സമയത്താണ് കുറ്റം ന്യായീകരിച്ച് ഇയാള്‍ പരാമര്‍ശം നടത്തിയത്. 'ഞാന്‍ അത് ചെയ്തതാണ്. എന്നാല്‍ അത് വലിയ തെറ്റൊന്നുമല്ല. കാരണം ലൈംഗികമായി ബന്ധപ്പെട്ടിരുന്നില്ല. തുറന്നുപറയട്ടെ, തനിക്ക് അതിനു കഴിയുകപോലുമില്ല. തനിക്ക് പ്രായമായി. അത് ആകസ്മികമായി സംഭവിച്ചുപോയതാണ്. തനിക്ക് വളരെയേറെ മാനസിക സമ്മര്‍ദ്ദങ്ങളുണ്ട്. ജോലി പോലും നന്നായി ചെയ്യാന്‍ കഴിയുന്നില്ല. ഹൃദയത്തിനും പ്രശ്നങ്ങളുണ്ട്. ചിലപ്പോള്‍ രാത്രിയില്‍ ഉറക്കംപോലുമില്ല' സേവ്യര്‍ ന്യായീകരിക്കുന്നു.

 

അറസ്റ്റിലായ സേവ്യറെ കോടതി 15 ദിവസത്തേക്ക് റിമാന്‍ഡ് ചെയ്തിരിക്കുകയാണ്. സേവ്യറിനെതിരെ പോക്സോ വകുപ്പുകള്‍ പ്രകാരം കേസെടുത്തതായി പോലീസ് അറിയിച്ചു. കുട്ടിയെ വൈദ്യപരിശോധനയ്ക്ക് വിധേയമാക്കി. തുടര്‍ അന്വേഷണം പുരോഗമിക്കുകയാണ്. ഇത് ഗൗരവമുള്ള കുറ്റമാണെന്നും പോലീസ് വ്യക്തമാക്കി.

loading...

OTHER SECTIONS