ദേശീയ നിയമ സർവകലാശാലകളിലെ 2021 ലെ ബിരുദതലത്തിലെയും ബിരുദാനന്തരബിരുദതലത്തിലെയും നിയമ പ്രോഗ്രാമുകളിലെ പ്രവേശന പരീക്ഷയായ കോമൺ ലോ അഡ്മിഷൻ ടെസ്റ്റിന് (ക്ലാറ്റ്) ഇപ്പോൾ അപേക്ഷിക്കാം. 2021 മേയ് ഒൻപത് ഉച്ചയ്ക്ക് മൂന്നു മുതൽ അഞ്ചുവരെ ഓഫ് ലൈൻ രീതിയിലാണ് പരീക്ഷ നടത്തുന്നത്.
* ബിരുദതലത്തിലെ അഞ്ചുവർഷ ഇന്റഗ്രേറ്റഡ് ലോ പ്രോഗ്രാമിലെ പ്രവേശനത്തിന് കുറഞ്ഞത് 45 ശതമാനം മാർക്ക് (പട്ടിക വിഭാഗക്കാർക്ക് 40 ശതമാനം)/തത്തുല്യ ഗ്രേഡ് വാങ്ങി, 10+2 /തത്തുല്യ പരീക്ഷ ജയിച്ചവർക്ക് അപേക്ഷിക്കാം.
* പോസ്റ്റ് ഗ്രാജുവേറ്റ് തലത്തിലെ ഒരു വർഷത്തെ എൽഎൽ.എം. പ്രോഗ്രാമിലെ പ്രവേശനത്തിന് 50 ശതമാനം മാർക്കോടെ (പട്ടിക വിഭാഗക്കാർക്ക് 45 ശതമാനം)/തത്തുല്യ ഗ്രേഡോടെ, എൽഎൽ.ബി. ബിരുദം/തത്തുല്യ യോഗ്യതയുള്ളവർക്ക് അപേക്ഷിക്കാനാകും.
ഓൺലൈൻ അപേക്ഷ www.consortiumofnlus.ac.in ജനുവരി ഒന്നു മുതൽ മാർച്ച് 31 വരെ നൽകേണ്ടത്. 2021 ഏപ്രിൽ/മേയ് മാസങ്ങളിൽ യോഗ്യതാ പരീക്ഷ അഭിമുഖീകരിക്കുന്നവർക്കും ബന്ധപ്പെട്ട വിഭാഗത്തിലേക്ക് അപേക്ഷിക്കാവുന്നതാണ്.
അപേക്ഷാ ഫീസ് 4000 രൂപ (പട്ടിക/ബി.പി.എൽ. വിഭാഗക്കാർക്ക്, 3500 രൂപ). വിവരങ്ങൾക്ക്: www.consortiumofnlus.ac.in