ENGLISH EDITION PRINT EDITION
ENGLISH EDITION|PRINT EDITION
  1. Home
  2. Environment

ENVIRONMENT

സംസ്ഥാനത്ത് അടുത്ത മൂന്നുദിവസങ്ങളിൽ ശക്തമായ മഴക്ക് സാധ്യത ; രണ്ടിടങ്ങളിൽ ഓറഞ്ച് അലേർട്ട്

സംസ്ഥാനത്ത് അടുത്ത മൂന്നു ദിവസങ്ങളിൽ ശക്തമായ മഴയുണ്ടാകുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. കോട്ടയം ഇടുക്കി ജില്ലകളിൽ ഓറഞ്ച് അലേർട്ട് ആണ് പ്രഖ്യാപിച്ചിരിക്കുന്നത്. മറ്റു ജില്ലകളിൽ യെല്ലോ അലേർട്ടും പ്രഖ്യാപിച്ചിട്ടുണ്ട്. ബംഗാൾ ഉൾക്കടലിൽ ന്യൂനമർദ്ദം രൂപപ്പെടുന്നതിന്റെ ഭാഗമായി അറബിക്കടയിൽ കാലവർഷ കാറ്റ് ശക്തമാകും.

പൊന്മുടിയിലെ ഒറ്റമുറി കെട്ടിടം ഓർമ്മയായി

തിരുവനന്തപുരം: മഞ്ഞുപുതച്ചു കിടക്കുന്ന കുന്നിന്‍ മുകളിലെ ഒറ്റമുറിയില്‍ പ്രവര്‍ത്തിച്ചിരുന്ന പൊന്മുടി പൊലീസ് സ്റ്റേഷന്‍ ഇനി ഓര്‍മ്മ. വിനോദ സഞ്ചാരികള്‍ക്ക് കൂടുതല്‍ സുരക്ഷയും സൗകര്യങ്ങളുമൊരുക്കി ആധുനിക രീതിയിലുള്ള പൊന്മുടിയിലെ പുതിയ സ്റ്റേഷന്‍ മന്ദിരം മുഖ്യമന്ത്രി നാടിന് സമര്‍പ്പിച്ചു.

വര്‍ക്കല സ്റ്റേഷന്റെ നൂറ് വര്‍ഷം പഴക്കം പഴങ്കഥ

വര്‍ക്കല: നൂറു വര്‍ഷത്തോളം പഴക്കമുള്ള വര്‍ക്കല പൊലീസ് സ്റ്റേഷന്‍ ആധുനിക മുഖത്തോടെ ഇരുനില കെട്ടിടത്തിലേക്ക് മാറുകയാണ്. ആധുനിക സൗകര്യങ്ങളോടെ നിര്‍മ്മിച്ച മന്ദിരത്തിന്റെ ഉദ്ഘാടനം വീഡിയോ കോണ്‍ഫറന്‍സ് വഴി മുഖ്യമന്ത്രി പിണറായി വിജയന്‍ നിര്‍വഹിച്ചു. 7,254 ചതുരശ്ര അടിയിലാണ് ആധുനിക സൗകര്യങ്ങളോടെയുള്ള കെട്ടിടം നിര്‍മ്മിച്ചത്. 1.39 കോടി രൂപയാണ് നിര്‍മാണചെലവ്. താഴത്തെ നിലയില്‍ എസ്.എച്ച്.ഒ, എസ്.ഐ എന്നിവരുടെ മുറികള്‍, ഓഫീസ്, റെക്കോര്‍ഡ്‌സ് റൂം, പുരുഷ-വനിതാ ലോക്കപ്പുകള്‍, ഹെല്‍പ്പ് ഡെസ്‌ക്ക്, വിസിറ്റേഴ്‌സ് ലോഞ്ച് എന്നിവയും ഒന്നാംനിലയില്‍ കോണ്‍ഫറന്‍സ് ഹാള്‍, പുരുഷ-വനിതാ പൊലീസുകാരുടെ വിശ്രമമുറി, ക്രൈം ഇന്‍വെസ്റ്റിഗേഷന്‍ വിങ്, സി.സി.ടി.എന്‍.എസ്. കണ്‍ട്രോള്‍ റൂം എന്നിവയുമാണുള്ളത്.

ചെടിക്ക് ആകെയുള്ളത് വെറും നാലില ,വിറ്റുപോയത് 4 ലക്ഷത്തിന്

ആകെയുള്ളത് വെറും നാലില. വലുപ്പത്തിൽ കുഞ്ഞനാണവൻ. ഇലയുടെ നിറമോ പകുതി മഞ്ഞ, പകുതി പച്ച. എന്നാൽ, ഈ കുഞ്ഞൻ ചെടി ലേലത്തിൽ വിറ്റത് 4 ലക്ഷം രൂപയ്ക്ക്. ഫിലോഡെന്‍ഡ്രോണ്‍ മിനിമ എന്ന് പേരുള്ള ഈ ചെടിയുടെ പേരിൽ മാത്രമേയുള്ളു മിനിമം. വിലയിൽ ആളൊരു വമ്പനാണ്. അപൂര്‍വയിനത്തിൽപെട്ട ഫിലോഡെന്‍ഡ്രോണ്‍ മിനിമ റാഫിഡൊഫോറ ടെട്രാസ്‌പെര്‍മഎന്ന വിഭാഗത്തില്‍പ്പെടുന്ന അലങ്കാരച്ചെടിയാണ്.

ശക്തമായ കാറ്റിനുസാധ്യത ; മത്സ്യതൊഴിലാളികൾ മത്സ്യ ബന്ധനത്തിന് പോകാൻ പാടില്ല

08-08-2020 മുതൽ 12-08-2020 വരെ : മധ്യ പടിഞ്ഞാറു അറബിക്കടലിലും അതിനോട് ചേർന്നുള്ള തെക്ക് പടിഞ്ഞാറ് അറബിക്കടലിലും മണിക്കൂറിൽ 50 മുതൽ 60 കി മീ വരെ വേഗതയിൽ ശക്തമായ കാറ്റിന് സാധ്യത. 08-08-2020 മുതൽ 09-08-2020 വരെ : വടക്ക് പടിഞ്ഞാറ് അറബിക്കടലിലും അതിനോട് ചേർന്നുള്ള വടക്ക് കിഴക്ക് അറബിക്കടലിലും മണിക്കൂറിൽ 50 മുതൽ 60 കി മീ വരെ വേഗതയിൽ ശക്തമായ കാറ്റിന് സാധ്യത.

കേരളത്തിൽ വിവിധയിടങ്ങളിൽ ഒറ്റപ്പെട്ട അതിശക്തമായ മഴക്ക് സാധ്യത

കേരളത്തിൽ വിവിധയിടങ്ങളിൽ ഒറ്റപ്പെട്ട അതിശക്തമായ മഴക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചിട്ടുണ്ട്. 2020 ജൂലൈ 29 : തിരുവനന്തപുരം, കൊല്ലം, പത്തനംതിട്ട, ഇടുക്കി.2020 ജൂലൈ 30 : ഇടുക്കി, മലപ്പുറം, കോഴിക്കോട്, വയനാട്.

കേരളത്തിൽ വരും ദിവസങ്ങളിൽ ശക്തമായ മഴക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ്

കേരളത്തിൽ വരും ദിവസങ്ങളിൽ ശക്തമായ മഴക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകി. ഈ സാഹചര്യത്തിൽ ചൊവ്വ ബുധൻ ദിവസങ്ങളിൽ വിവിധ ജില്ലകളിൽ യെൽലോ അലേർട്ട് പ്രഖ്യാപിച്ചു. കൊല്ലം ആലപ്പുഴ എറണാകുളം ജില്ലകളിലാണ് ചൊവ്വാഴ്ച യെൽലോ അലേർട്ട് പ്രഖ്യാപിച്ചിരിക്കുന്നത്. തിരുവനന്തപുരം കൊല്ലം പത്തനംതിട്ട, ആലപ്പുഴ കോട്ടയം ഇടുക്കി എറണാകുളം തൃശ്ശൂർ ജില്ലകളിലാണ് ബുധനാഴ്ചത്തെ യെല്ലോ അലർട്ട്.

കേരളത്തിൽ കാലവർഷം ജൂലൈ 13 ഓടെ ശക്തിപ്പെടും

സംസ്ഥാനത്ത് ദുർബലമായ തെക്കു പടിഞ്ഞാറൻ കാലവർഷം ജൂലൈ 13 ഓടെ ശക്തിപ്പെടുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. നാളെ സംസ്ഥാനത്തിലെ മുഴുവന്‍ ജില്ലകളിലും നേരിയ മഴ ലഭിക്കും. ജൂണ്‍ 13 ന് മലപ്പുറം, കണ്ണൂര്‍, കാസര്‍ഗോഡ് ജില്ലകളില്‍ യെലോ അലര്‍ട്ട് പ്രഖ്യാപിച്ചിട്ടുണ്ട്.

കബനി വനത്തിൽ 'കരിമ്പുലി'; ചിത്രങ്ങൾ വൈറൽ

കർണാടകയിലെ കബനി വനത്തിൽ കരിമ്പുലിയെ കണ്ടെത്തി. വന്യജീവി ഫോട്ടോഗ്രാഫറായ ഷാസ് ജംഗ് കഴിഞ്ഞ വർഷം ഇൻസ്റ്റാഗ്രാമിലൂടെ പങ്കുവെച്ച ചിത്രങ്ങളാണ് ഇപ്പോൾ സോഷ്യൽ മീഡിയകളിൽ വൈറലാകുന്നത്. നിരവധി ആളുകളാണ് ചിത്രം സോഷ്യൽ മീഡിയകളിൽ പങ്കുവെച്ചത്. കരിമ്പുലിയുടെ ചിത്രങ്ങൾ വൈറലായതോടെ ചിത്രങ്ങൾ പകർത്തിയ ആളെ തേടി ഇൻസ്റ്റാഗ്രാമിൽ ആളുകളുടെ പ്രവാഹമാണ്.

നഗരമധ്യത്തില്‍ ഒരു 'കുഞ്ഞിളംകാട്'

തിരുവനന്തപുരം: ഫ്‌ളാറ്റുകളും കെട്ടിടങ്ങളും ധാരാളമുള്ള നഗരമധ്യത്തില്‍ ഒരു പച്ചത്തുരുത്ത് ആയാലോ? നഗരസഭയും ഹരിത കേരളം മിഷനും ചേര്‍ന്ന് അത് യാഥാര്‍ത്ഥ്യമാക്കിയിരിക്കുകയാണ്. പാറ്റൂര്‍ ഇഎംഎസ് നഗറില്‍ 'കുഞ്ഞിളംകാട് 'എന്ന പേരില്‍ നിര്‍മ്മിച്ച പച്ചത്തുരുത്തിന്റെ ഉദ്ഘാടനം വൃക്ഷത്തൈ നട്ടുകൊണ്ട് മേയര്‍ കെ.ശ്രീകുമാര്‍ നിര്‍വഹിച്ചു. നഗരമധ്യത്തില്‍ മാതൃകാ ചെറുവനം സൃഷ്ടിക്കുകയാണ് ലക്ഷ്യം. നൂറ്റമ്പതില്‍പ്പരം ഫലവൃക്ഷങ്ങളും ഔഷധ സസ്യങ്ങളും ചെടികളും ഇവിടെ നട്ടുപിടിപ്പിച്ചിട്ടുണ്ട്.

Show More

മയക്കുമരുന്ന് കേസ്: ബോളിവുഡിനെ വരിഞ്ഞുമുറുക്കി എന്‍.സി.ബി, അന്വേഷണം പ്രമുഖ നടിമാരിലേക്കും

ENGLISH EDITION

LATEST STORIES