നിപ്മറിൽ നടു; സന്ധിവേദന ക്ലിനിക്ക്

By Web Desk.02 08 2021

imran-azhar

 

 

ഇരിങ്ങാലക്കുട: നാഷണൽ ഇൻസ്റ്റിറ്റ്യൂട്ട് ഓഫ് ഫിസിക്കൽ മെഡിസിൻ ആൻഡ് റീഹാബിലിറ്റേഷനിൽ (നിപ്മർ ) നടുവേദനയ്ക്കും സന്ധിവേദനയ്ക്കുള്ള വിദഗ്ദ ചികിൽസയ്ക്ക് പ്രത്യേക ക്ലിനിക്ക് ആരംഭിച്ചു.

 

എല്ലാ വെള്ളിയാഴ്ചയും രാവിലെ 10.00 മുതൽ 12.30 വരെയാണ് ക്ലിനിക്ക് പ്രവർത്തിക്കുക. നിപ്മറിലെ സിനിയർ കൺസൾട്ടന്റ് ഫിസിയാട്രിസ്റ്റ് ഡോ: സന്തോഷ്‌ ബാബുവാണ് ക്ലിനിക്കിന് നേതൃത്വം നൽകുന്നത്.

 

സംസ്ഥാനത്ത് നടുവേദനയാലും സന്ധിവേദനയാലും ദുരിതമനുഭവിക്കുന്നവരുടെ എണ്ണം വർധിച്ചു വരുന്ന സാഹചര്യത്തിൽ സാധാരണക്കാർക്ക് ആശ്രയമാണ് നടു - സന്ധിവേദന ക്ലിനിക്ക്.

 

ലോകജനസംഖ്യയിലെ തന്നെ 10% പേർ നടുവേദനയാലും, 20% പേർ സന്ധിവേദനയാലും കഷ്ടപ്പെടുന്നവരാണെന്ന് ലോകാരോഗ്യസംഘടയുടെ കണക്കുകൾ വെളിവാക്കുന്നു. ഈ സാഹചര്യത്തിലാണ് പുതിയ ക്ലിനിക്ക് തുടങ്ങാൻ തീരുമാനിച്ചതെന്ന് നിപ്മർ ജോയ്ൻ്റ് ഡയരക്ടർ സി. ചന്ദ്രബാബു പറഞ്ഞു.

 

തുടർചികിത്സാ ആവശ്യമുള്ളവർക്ക് ഫിസിയോ തെറാപ്പിസ്റ്റ്, ഒക്യൂപേഷണൽ തെറാപ്പിസ്റ്റ്, റീഹാബിലിറ്റേഷൻ നേഴ്സ്, സൈക്കോ-സോഷ്യൽ റീഹാബിലിറ്റേഷൻ പ്രൊഫഷണൽ എന്നിവരുടെ പങ്കാളിത്തത്തോടെ തുടർ ചികിത്സ നൽകുന്നതാണ്. കൺസട്ടേഷന് 7510870111, 0480 - 2881959

 

OTHER SECTIONS