ഫിലിം ക്രിട്ടിക്‌സ് അവാര്‍ഡ് പ്രഖ്യാപിച്ചു, മികച്ച ചിത്രം ദ ഗ്രേറ്റ് ഇന്ത്യന്‍ കിച്ചന്‍, കെ ജി ജോര്‍ജിന് ചലച്ചിത്രരത്‌നം

By RK.13 09 2021

imran-azhar

 

തിരുവനന്തപുരം: ജിയോ ബേബി സംവിധാനം ചെയ്ത ദ് ഗ്രെയ്റ്റ് ഇന്ത്യന്‍ കിച്ചന്‍ 2020 ലെ മികച്ച സിനിമയ്ക്കുള്ള 45 മത് കേരള ഫിലിം ക്രിട്ടിക്സ് അവാര്‍ഡ് നേടി. ഡിജോ അഗസ്റ്റിന്‍, ജോമോന്‍ ജേക്കബ്, വിഷ്ണു രാജന്‍, സജിന്‍ രാജ് എന്നിവര്‍ ചേര്‍ന്നാണ് ചിത്രം നിര്‍മിച്ചത്. മികച്ച ചിത്രത്തിന്റെ സംവിധായകനുള്ള ബഹുമതി ജിയോ ബേബിക്ക്, ദ് ഗ്രെയ്റ്റ് ഇന്ത്യന്‍ കിച്ചന്‍ എന്ന ചിത്രത്തിലൂടെ ലഭിക്കും.

 

സിദ്ധാര്‍ത്ഥ് ശിവ ആണ് മികച്ച സംവിധായകന്‍, എന്നിവര്‍. അയ്യപ്പനും കോശിയും എന്ന ചിത്രത്തിലൂടെ പൃഥ്വിരാജും ബിജുമേനോനും മികച്ച നടനുള്ള അവാര്‍ഡ് പങ്കിട്ടു. ജ്വാലാമുഖി എന്ന ചിത്രത്തിലെ അഭിനയത്തിന് സുരഭി ലക്ഷ്മിയും ആണും പെണ്ണും, വെള്ളം, വുള്‍ഫ് എന്നീ ചിത്രങ്ങളിലെ പ്രകടനത്തിന് സംയുക്ത മേനോനും മികച്ച നടിക്കുള്ള അവാര്‍ഡ് നേടി.

 

അസോസിയേഷന്‍ പ്രസിഡന്റും ജൂറി ചെയര്‍മാനുമായ ഡോ. ജോര്‍ജ്ജ് ഓണക്കൂറാണ് പുരസ്‌കാരങ്ങള്‍ പ്രഖ്യാപിച്ചത്. തേക്കിന്‍കാട് ജോസഫ,് ബാലന്‍ തിരുമല, ഡോ.അരവിന്ദന്‍ വല്ലച്ചിറ, പ്രൊഫ ജോസഫ് മാത്യു പാലാ, സുകു പാല്‍ക്കുളങ്ങര, എ. ചന്ദ്രശേഖര്‍ എന്നിവരായിരുന്നു ജൂറിയംഗങ്ങള്‍. മൊത്തം 34 ചിത്രങ്ങളാണ് ജൂറിയുടെ പരിഗണനയിലെത്തിയത്.

 

സമഗ്രസംഭാവനകളെ മാനിച്ച് നല്‍കുന്ന ചലച്ചിത്രരത്നം പുരസ്‌കാരം മുതിര്‍ന്ന സംവിധായകന്‍ കെ. ജി. ജോര്‍ജ്ജിന് നല്‍കും.

 

സിനിമാരംഗത്ത് വൈവിദ്ധ്യമാര്‍ന്ന സിനിമകളിലൂടെ 40 വര്‍ഷം തികയ്ക്കുന്ന സംവിധായകന്‍ കെ.ഹരികുമാറിന് ക്രിട്ടിക്‌സ് റൂബി ജൂബിലി അവാര്‍ഡ് സമ്മാനിക്കും

 

വൈവിദ്ധ്യമാര്‍ന്ന കഥാപാത്രങ്ങളിലൂടെ മലയാളി പ്രേക്ഷകരുടെ ഹൃദയത്തില്‍ പ്രതിഷ്ഠ നേടിയ നടന്‍ മാമുക്കോയ, നടന്‍ സായികുമാര്‍, നടി ബിന്ദു പണിക്കര്‍ എന്നിവര്‍ക്ക് ചലച്ചിത്രപ്രതിഭാ പുരസ്‌കാരം സമ്മാനിക്കും.

 

മറ്റ് അവാര്‍ഡുകള്‍

 

രണ്ടാമത്തെ ചിത്രം വെള്ളം, നിര്‍മ്മാണം ജോസ്‌കുട്ടി മഠത്തില്‍, യദുകൃഷ്ണ, രഞ്ജിത്, ബിജു
രണ്ടാമത്തെ ചിത്രത്തിന്റെ സംവിധായകന്‍ പ്രജീഷ് സെന്‍, ചിത്രം വെള്ളം
സഹനടന്‍ സുധീഷ്, ചിത്രം എന്നിവര്‍
സഹനടി മമിത ബൈജു, ചിത്രം ഖോ ഖോ
ബാലതാരം മാസ്റ്റര്‍ സിദ്ധാര്‍ത്ഥ, ചിത്രം ബൊണാമി, ബേബി കൃഷ്ണശ്രീ, ചിത്രം കാന്തി
തിരക്കഥാകൃത്ത് സച്ചി, ചിത്രം അയ്യപ്പനും കോശിയും
പ്രത്യേക ജൂറി അവാര്‍ഡ് വിശ്വനാഥ് ബി. നിര്‍മിച്ച് ഹരികുമാര്‍ സംവിധാനം ചെയ്ത ജ്വാലാമുഖി
ഗാനരചയിതാവ് ഏങ്ങണ്ടിയൂര്‍ ചന്ദ്രശേഖരന്‍, ചിത്രം രണ്ടാം നാള്‍
സംഗീത സംവിധാനം എം.ജയചന്ദ്രന്‍, ചിത്രം സൂഫിയും സുജാതയും
പിന്നണി ഗായകന്‍ പി.കെ.സുനില്‍കുമാര്‍, ഗാനം ശരിയേത് തെറ്റേത്, ചിത്രം പെര്‍ഫ്യൂം)
പിന്നണി ഗായിക കെ.എസ്.ചിത്ര ഗാനം നീലവാനം താലമേന്തി, ചിത്രം പെര്‍ഫ്യൂം)
ഛായാഗ്രാഹകന്‍ അമല്‍ നീരദ്, ചിത്രം ട്രാന്‍സ്)


ചിത്രസന്നിവേശകന്‍ നൗഫല്‍ അബ്ദുള്ള, ചിത്രം സമീര്‍
ശബ്ദലേഖകന്‍ റസൂല്‍ പൂക്കുട്ടി, ചിത്രം ട്രാന്‍സ്
കലാസംവിധായകന്‍ ദീപു ജോസഫ്, ചിത്രം സൂഫിയും സുജാതയും
മേക്കപ്പ്മാന്‍ സുധി സുരേന്ദ്രന്‍, ചിത്രം ഏക് ദിന്‍
വസ്ത്രാലങ്കാരം, മഹര്‍ ഹംസ, ചിത്രം ട്രാന്‍സ്
ജനപ്രിയചിത്രം സൂഫിയും സുജാതയും, സംവിധാനം ഷാനവാസ് നരണിപ്പുഴ
ബാലചിത്രം ബോണാമി സംവിധാനം ടോണി സുകുമാര്‍)
ജീവചരിത്ര സിനിമ വിശുദ്ധ ചാവറയച്ചന്‍ സംവിധാനം അജി കെ. ജോസ്)
പരിസ്ഥിതി ചിത്രം ഒരിലത്തണലില്‍, സംവിധാനം അശോക് ആര്‍.നാഥ്)


അനുഷ്ഠാനകലയെ ആസ്പദമാക്കിയ മികച്ച ചിത്രം പച്ചത്തപ്പ്, സംവിധാനം: അനു പുരുഷോത്ത്, ഉരിയാട്ട് സംവിധാനം കെ.ഭുവനചന്ദ്രന്‍
മികച്ച സംസ്‌കൃതചിത്രം: ഭഗവദ്ദജ്ജുകം (സംവിധാനം യദു വിജയകൃഷ്ണന്‍)
മികച്ച നവാഗത പ്രതിഭ
നടന്‍ ആനന്ദ് റോഷന്‍, ചിത്രം സമീര്‍
നടി അഫ്‌സാന ലക്ഷ്മി, ചിത്രം വെളുത്ത മധുരം
സംവിധാനം വിയാന്‍ വിഷ്ണു, ചിത്രം ഏക് ദിന്‍


പ്രത്യേക ജൂറി പുരസ്‌കാരങ്ങള്‍


സംവിധാനം സീനത്ത്, ചിത്രം രണ്ടാം നാള്‍
ജിനോയ് ജെബിറ്റ്, ചിത്രം: കോഴിപ്പോര്
ഗാനരചന ബി.ടി.അനില്‍കുമാര്‍, ചിത്രം ലെയ്ക
സോദ്ദേശ്യചിത്രം സമീര്‍, സംവിധാനം റഷീദ് പാറയ്ക്കല്‍
ആര്‍ട്ടിക്കിള്‍ 21, സംവിധാനം ലെനിന്‍ എല്‍.യു
ഖോ ഖോ സംവിധാനം രാഹുല്‍ റിജി നായര്‍

 

 

 

OTHER SECTIONS