MUSIC

കാഴ്ച്ച തിരിച്ചുകിട്ടിയെന്ന വാര്‍ത്ത അടിസ്ഥാനരഹിതമെന്ന് വൈക്കം വിജയലക്ഷ്മി

തനിക്ക് ചികിത്സയിലൂടെ കാഴ്ച തിരിച്ചുകിട്ടി എന്ന മട്ടില്‍ വരുന്ന വാര്‍ത്തകള്‍ ശരിയല്ലെന്ന് ഗായിക വൈക്കം വിജയലക്ഷ്മി പറഞ്ഞു. 'കുറച്ചുനാളായി ഒരു ഹോമിയോ ഡോക്ടറുടെ ചികിത്സയിലാണ്. ആകെ നൂറ് ഡോസാണ് മരുന്ന്. മാസം ഒരു ഡോസെന്ന തോതിലാണ് കഴിയ്ക്കുന്നത്. 10 ഡോസ് കഴിച്ചു. ട്യുബ് ലൈറ്റിലേക്കും മറ്റും നോക്കുമ്പോള്‍ വെളിച്ചം തോന്നുന്നുണ്ട്. ഈ നേരിയ മാറ്റത്തെപ്പറ്റിയാണ് ഞാനും അച്ഛനും പറഞ്ഞത്. അത് വാര്‍ത്തയായപ്പോള്‍ എനിക്ക് കാഴ്ച തിരികെ കിട്ടിത്തുടങ്ങി എന്ന മട്ടിലായി. അതെപ്പറ്റി ധാരാളം ഫോണ്‍ വിളികള്‍ വരുന്നു. അതുകൊണ്ടാണ് ഇക്കാര്യം പറയുന്നത്' വിജയലക്ഷ്മി പറഞ്ഞു.

വാമിലൂടെ പ്രശസ്തനായ ബ്രിട്ടീഷ് പോപ് ഗായകന്‍ ജോര്‍ജ് മൈക്കിളിന് വിട

വാം എന്ന സംഗീത ബാന്‍ഡിലൂടെ പ്രശസ്തനായ ബ്രിട്ടീഷ് പോപ് ഗായകന്‍ ജോര്‍ജ് മൈക്കിളിന് വിട. 53 വയസ്സായിരുന്നു. ക്രിസ്തുമസ് ദിനമായ ഇന്നലെ അദ്ദേഹത്തിന്റെ വസതിയായ ഓക്സ്‌ഫോര്‍ഡ് ഷെയറില്‍ വെച്ചായിരുന്നു അന്ത്യം. മൂന്നര ദശാബ്ദം നീണ്ട സംഗീത ജീവിതത്തില്‍ നൂറിലധികം ആല്‍ബങ്ങള്‍ പുറത്തിറക്കിയ മൈക്കിളിന്റെ വിയോഗം സംഗീത ലോകത്തിന് എന്നും ഒരു തീരാനഷ്ടം തന്നെയാണ്. ചുരുങ്ങിയ കാലയളവില്‍ തന്നെ ജനഹൃദയങ്ങള്‍ കീഴടക്കി ലോകമെമ്പാടും നിരവധി ആരാധകരെ സൃഷ്ടിച്ച ജോര്‍ജ് മൈക്കിള്‍ അറിയപ്പെട്ടത് ഗായകന്‍, ഗാനരചയിതാവ്, നിര്‍മ്മാതാവ് എന്നീ നിലകളിലായിരുന്നു.

Show More