ഒടിയൻ മാണിക്യന്റെ പുതിയ പോസ്റ്റർ എത്തി !

By BINDU PP.14 Sep, 2018

imran-azhar

 

 

സിനിമ ആരാധകർ ഏറെ ആകാംക്ഷയിൽ കാത്തിരിക്കുന്ന ഒടിയന്റെ പുതിയ പോസ്റ്റർ പുറത്ത്. മോഹന്‍ലാലിനെ നായകനാക്കി ശ്രീകുമാര്‍ മേനോന്‍ സംവിധാനം ചിത്രം ഒടിയൻ ചിത്രം ഡിസംബര്‍ 14ന് തിയേറ്ററുകളിലെത്തും. ചിത്രത്തിൽ ഒടിയൻ മാണിക്യന്‍ എന്ന കഥാപാത്രമായാണ് മോഹൻലാൽ എത്തുന്നത്. ചിത്രത്തിന്റെ നേരത്തെ പുറത്തുവിട്ട പോസ്റ്ററുകളും ടീസറുമെല്ലാം ആരാധകർക്കിടയിൽ ഏറെ സ്വീകാര്യത ഉണ്ടായിട്ടുണ്ട്. ചിത്രത്തിന് വേണ്ടി മോഹൻലാൽ വെയിറ്റ് കുറച്ചതെല്ലാം ഏറെ വാർത്തകൾ സൃഷ്ടിച്ചിരുന്നു.ചെറുപ്രായം മുതല്‍ 60 വയസുവരെ നീളുന്ന ജീവിതകാലഘട്ടത്തെയാണ് ഒടിയനില്‍ മോഹന്‍ലാല്‍ അവതരിപ്പിക്കുക.

 

 

പ്രകാശ് രാജ്, സിദ്ദിഖ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്ന ചിത്രം നിര്‍മ്മിക്കുന്നത് ആശീര്‍വാദ് സിനിമാസാണ്. ഒടിയനില്‍ മലയാളികളുടെ പ്രിയ താരം മഞ്ജുവാര്യര്‍ എത്തുന്നത് വ്യത്യസ്ത ഗെറ്റപ്പുകളിലാണ്. കഥാപാത്രത്തിന്റെ മൂന്ന് വ്യത്യസ്ത കാലഘട്ടങ്ങളെയാണ് മഞ്ജുവാര്യര്‍ അവതരിപ്പിക്കുന്നത്.ഇരുപതുകളുടെ അവസാനത്തില്‍ തുടങ്ങി 35വയസ്സും പിന്നിട്ട് അന്‍പതുകളിലുള്ള രൂപഭാവവും താരം തിരശ്ശീലയിലെത്തിക്കുന്നു. മലയാള സിനിമയിലെ ഏറ്റവും ശക്തമായ സ്ത്രീകഥാപാത്രങ്ങളില്‍ ഒന്നായിരിക്കും മഞ്ജുവാര്യരുടെ ഒടിയനിലെ കഥാപാത്രം.

OTHER SECTIONS