എംബാം ചെയ്യാനാകില്ല; മെറിന്റെ മൃതദേഹം അമേരിക്കയില്‍ സംസ്‌കരിക്കും

By online desk .02 08 2020

imran-azhar

 

 

ന്യൂയോര്‍ക്ക് :അമേരിക്കയിലെ ഫ്‌ളോറിഡയില്‍ കൊല്ലപ്പെട്ട മലയാളി നഴ്‌സ് മെറിന്‍ ജോയിയുടെ മൃതദേഹം അവിടെ തന്നെ സംസ്‌കരിക്കും. മൃതദേഹം എംബാം ചെയ്യാനാവാത്തതിനാലാണ് നാട്ടിലേക്ക് കൊണ്ടുവരാന്‍ സാധിക്കാത്തത്. മൃതദേഹത്തില്‍ ആഴത്തിലുള്ള നിരവധി മുറിവുകളുള്ളതിനാല്‍ എംബാം ചെയ്യാന്‍ സാധിക്കില്ലെന്ന ആരോഗ്യവകുപ്പ് അധികൃതര്‍ അറിയിച്ചു അതേസമയം പ്രതിയായ മെറിന്റെ ഭര്‍ത്താവ് ഫിലിപ്പ് മാത്യുവിനെ പൊലീസ് കോടതിയില്‍ ഹാജരാക്കി.

 


നൈറ്റ് ഡ്യൂട്ടി കഴിഞ്ഞിറങ്ങിയ മെറിനെ ഭര്‍ത്താവ് ഫിലിപ്പ് കാത്തുനിന്ന് കത്തി കൊണ്ട് 17 തവണ കുത്തുകയായിരുന്നു. കുത്തേറ്റ് വീണ മെറിന്റെ ദേഹത്തു കൂടെ ഫിലിപ്പ് കാര്‍ കയറ്റിയിറക്കി. കുടുംബപ്രശ്‌നങ്ങളാകാം കൊലക്ക് പിന്നിലെന്നാണ് പൊലീസിന്റെ നിഗമനം. കൊലക്ക് ശേഷം ഒരു ഹോട്ടലില്‍ മുറിയെടുത്ത ഫിലിപ്പ് ഇരു കൈകളിലെയും ഞരമ്പ് മുറിച്ച് ആത്മഹത്യക്ക് ശ്രമിച്ചിരുന്നു.ഗാര്‍ഹിക പീഡനം സംബന്ധിച്ച് നേരത്തെ മെറിന്‍ പൊലീസില്‍ പരാതിയും നല്‍കിയിരുന്നു.

 

 

 

 

OTHER SECTIONS