By Meghina.21 01 2021
92 രാജ്യങ്ങള് കൊവിഡ് വാക്സിനുവേണ്ടി ഇന്ത്യയെ സമീപിച്ചു .
ഇന്ത്യയില് നിര്മിച്ച കൊവിഡ് വാക്സിനുകള്ക്ക് പാര്ശ്വഫലങ്ങള് കുറവാണെന്ന വിലയിരുത്തലിനെ തുടര്ന്നാണ് വിവിധ രാജ്യങ്ങള് വാക്സിനുവേണ്ടി ഇന്ത്യയെ സമീപിച്ചിരിക്കുന്നതെന്നാണ് റിപ്പോര്ട്ടുകള്.
രാജ്യത്ത് കൊവിഡ് വാക്സിന് കുത്തിവയ്പ്പ് ഇക്കഴിഞ്ഞ ശനിയാഴ്ചയാണ് ആരംഭിച്ചത്.
രാജ്യത്ത് വാക്സിനെടുത്തവരില് ചെറിയ ശതമാനം ആളുകള്ക്ക് മാത്രമാണ് പാര്ശ്വഫലങ്ങള് റിപ്പോര്ട്ട് ചെയ്തത്.
ഡൊമിനിക്കന് റിപ്പബ്ലിക്കന് പ്രധാനമന്ത്രി റൂസ് വെല്റ്റ് സ്കെറിറ്റ് വാ ക്സിന് നല്കണമെന്ന് ആവശ്യപ്പെട്ട് പ്രധാനമന്ത്രി നരേന്ദ്ര മോദിക്ക് കഴിഞ്ഞദിവസം കത്ത് അയച്ചിരുന്നു.
2021 ല് കൊവിഡിനെതിരായ പ്രതിരോധത്തിലേക്ക് കടക്കുമ്പോള് ഡൊമിനിക്കന് റിപ്പബ്ലിക്കിലെ ജനങ്ങള്ക്കായി കൊവിഡ് വാക്സിന് ആവശ്യമാണെന്നും അതിനാല് വാക്സിനുകള് അനുവദിക്കണമെന്നുമായിരുന്നു കത്തിലെ ആവശ്യം.
ഇതിനോടകം ഇന്ത്യ വാക്സിനുകള് നേപ്പാള്, ബംഗ്ലാദേശ്, മ്യാന്മര് അടക്കമുള്ള അയല് രാജ്യങ്ങളിലേക്ക് അയക്കുന്നുണ്ട്. ലോകത്തിന്റെ വാക്സിന് ഹബ്ബായി ഇന്ത്യ മാറുന്നുവെന്ന സൂചനകളാണ് പുറത്തു വരുന്നത് .