രാജ്യത്ത് 43,654 പേര്‍ക്ക് കോവിഡ്; പുതിയ രോഗികളില്‍ പകുതിയോളവും കേരളത്തിൽ

By sisira.28 07 2021

imran-azhar



 

ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറിനിടെ 43,654 പേര്‍ക്ക് കോവിഡ് സ്ഥിരീകരിച്ചതായി കേന്ദ്ര ആരോഗ്യമന്ത്രാലയം അറിയിച്ചു.

 

640 പേര്‍ മരിച്ചു. രാജ്യത്തുടനീളം 3,14,84,605 പേര്‍ക്കാണ് ഇതുവരെ രോഗം പിടിപെട്ടത്. ഇതില്‍ 3,06,63,147 പേര്‍ ഇതിനകം രോഗമുക്തരായി. 41,678 പേര്‍ കഴിഞ്ഞ 24 മണിക്കൂറിനിടെ മാത്രം രഗമുക്തി നേടി.

 

നിലവില്‍ വിവിധ സംസ്ഥാനങ്ങളിലായി 3,99,436 പേരാണ് ചികിത്സയില്‍ തുടരുന്നത്. 4,22,022 പേരുടെ ജീവന്‍ ഇതുവരെ കോവിഡ് കവര്‍ന്നു.

 

കഴിഞ്ഞ 24 മണിക്കൂറിനിടെ ഏറ്റവും കൂടുതല്‍ പേര്‍ക്ക് രോഗബാധ സ്ഥിരീകരിച്ചത് കേരളത്തിലാണ്. പുതിയ രോഗികളില്‍ പകുതിയോളവും കേരളത്തിലാണ്.

 

രാജ്യത്ത് കോവിഡ് പ്രതിരോധ വാക്‌സിന്‍ നല്‍കിയവരുടെ എണ്ണം 44.19 കോടി കടന്നു.

OTHER SECTIONS