മോദി സര്‍ക്കാരിന്‍റെ വക്കാലത്ത് ഇവര്‍ എന്തിനാണ് ഏറ്റെടുക്കുന്നത്? ;സിപിഎമ്മിനെതിരെ കെ സുരേന്ദ്രന്‍

By BINDU PP .23 Mar, 2018

imran-azhar

 

 

 

കൊച്ചി: കീഴാറ്റൂർ പ്രശ്നത്തിന് രൂക്ഷ വിമർശനവുമായി ബിജെപി നേതാവ് കെ സുരേന്ദ്രന്‍ രങ്ങത്തു വന്നിരിക്കുന്നു. തളിപ്പറമ്പ് എല്‍എ ജെയിംസ് മാത്യു പറയുന്നത് പോലെ കീഴാറ്റൂര്‍ പ്രശ്നത്തിന് ഉത്തരവാദി കേന്ദ്രം ഭരിക്കുന്ന ബിജെപി സര്‍ക്കാരാണെങ്കില്‍, മഹാരാഷ്ട്രയിലൊക്കെ പോയി ബിജെപിക്കെതിരെ സമരം ചെയ്യുന്നവര്‍ സ്വന്തം മണ്ഡലത്തില്‍ സമരം ചെയ്യാന്‍ ഇത്രനല്ല ഒരവസരം കിട്ടിയിട്ടും എന്തുകൊണ്ട് അതിനു മെനക്കെടുന്നില്ലെന്ന് ബിജെപി നേതാവ് കെ സുരേന്ദ്രന്‍.ഫേസ് ബുക്ക് പോസ്റ്റിലാണ് സുരേന്ദ്രന്‍ സിപിഎമ്മിനെതിരെ രൂക്ഷ പ്രതികരണം നടത്തിയത്.

 

ഫേസ് ബുക്ക് പോസ്റ്റിന്റെ പൂര്‍ണ്ണ രൂപം....

 

തളിപ്പറമ്ബ് എം. എല്‍. എ ജെയിംസ് മാത്യു പറയുന്നത് കീഴാററൂര്‍ പ്രശ്നത്തിന് ഉത്തരവാദി കേന്ദ്രം ഭരിക്കുന്ന ബി. ജെ. പി സര്‍ക്കാരാണെന്നാണ്. ഭൂമിയിന്‍മേലുള്ള അവകാശം സംസ്ഥാന സര്‍ക്കാരിനാണെന്നും സംസ്ഥാന സര്‍ക്കാരാണ് ഭൂമി അക്വയര്‍ ചെയ്തുകൊടുക്കുന്നതെന്നും അദ്ദേഹത്തിനറിയാത്തതുകൊണ്ടല്ല. കേന്ദ്രസര്‍ക്കാരിനെ പ്രതിക്കൂട്ടിലാക്കാന്‍ ഇത്രനല്ല അവസരം കിട്ടിയിട്ടും എന്തുകൊണ്ടാണ് സമരത്തിന് നേതൃത്വം കൊടുക്കാതെ അദ്ദേഹവും പാര്‍ട്ടിയും സമരം ചെയ്യുന്ന വയല്‍ക്കിളികളെ നേരിടാന്‍ ഇറങ്ങിപ്പുറപ്പെട്ടതെന്നാണ് മനസ്സിലാവാത്തത്.

 

മഹാരാഷ്ട്രയിലൊക്കെ പോയി ബി. ജെ. പിക്കെതിരെ സമരം ചെയ്യുന്നവര്‍ സ്വന്തം മണ്ഡലത്തില്‍ ബി. ജെ. പിക്കെതിരെ സമരം ചെയ്യാന്‍ ഇത്രനല്ല ഒരവസരം കിട്ടിയിട്ടും എന്തുകൊണ്ട് അതിനു മെനക്കെടുന്നില്ല? തളിപ്പറമ്ബ് നഗരത്തിലെ അതിസമ്ബന്നരുടെ കെട്ടിടങ്ങള്‍ സംരക്ഷിക്കാനാണ് ഈ അലൈന്‍മെന്‍റ് മാററം എന്നാര്‍ക്കാണറിയാത്തത്? പിന്നെ കളിമണ്ണു മാഫിയയും മണ്ണുമാഫിയയുമായുള്ള കച്ചവടവും. സമരം നേരിടാന്‍ സര്‍ക്കാര്‍ ഒരുങ്ങുന്നത് മനസ്സിലാക്കാം. എന്നാല്‍ പാര്‍ട്ടി എന്തിനാണ് അതിനു മുതിരുന്നത്.

 

മോദി സര്‍ക്കാരിന്‍റെ വക്കാലത്ത് ഇവര്‍ എന്തിനാണ് ഏറ്റെടുക്കുന്നത്? വികസനത്തോടുള്ള അടങ്ങാത്ത അഭിവാജ്ഞയാണെങ്കില്‍ ഇതിനു മുമ്ബ് കേരളത്തില്‍ എത്രയെത്ര വികസന പ്രവര്‍ത്തനങ്ങള്‍ ഇവര്‍ തടസ്സപ്പെടുത്തിയിട്ടുണ്ട്? ട്രാക്ടറും കൊയ്ത്തു യന്ത്രവും തടഞ്ഞ് സമരം നടത്തിയവരാണ് ഇപ്പോള്‍ വികസനത്തിന്‍റെ പേരും പറഞ്ഞ് കൃഷിക്കാര്‍ക്കെതിരെ പ്രതിരോധത്തിന് മുതിരുന്നത്.

 

OTHER SECTIONS