സർക്കാർ നിയമനം കാത്ത് 248 കായികതാരങ്ങൾ

By Chithra.11 07 2019

imran-azhar

 

തിരുവനന്തപുരം: സർക്കാർ ജോലിക്കായി കാത്തിരിക്കുന്നത് 248 കായികതാരങ്ങൾ. ഒൻപത് വർഷമായാണ് കായിക താരങ്ങൾ സർക്കാർ ജോലിക്കായി കാത്തിരിക്കുന്നത്.

 

നിയമന നടപടികൾ സ്പോർട്സ് ക്വാട്ട വഴി രണ്ടാമതും ആരംഭിക്കുമെന്ന് സർക്കാർ അറിയിച്ചിരുന്നെങ്കിലും തുടർനടപടിയൊന്നും ഇതുവരെയും ഉണ്ടായിട്ടില്ല.

 

അവഗണന നേരിടുന്ന കായികതാരങ്ങൾ കായിക മന്ത്രി ഇ പി ജയരാജന് നിവേദനം നൽകിയിട്ടുണ്ടെന്ന് താരങ്ങൾ പറഞ്ഞു.

 

വർഷത്തിൽ 50 കായികതാരങ്ങളെയാണ് സർക്കാർ ജോലിക് പരിഗണിക്കുന്നത്. കഴിഞ്ഞ ഫെബ്രുവരിയിലാണ് റാങ്ക് പട്ടിക പ്രസിദ്ധീകരിച്ചത്. കായികതാരങ്ങളുടെ ആവശ്യങ്ങൾ എത്രയും പെട്ടെന്ന് തന്നെ സർക്കാർ ഫയലിന്റെ ചുവപ്പ് നടയിൽ നിന്ന് രക്ഷനേടുമെന്നാണ് കായികതാരങ്ങളുടെ പ്രതീക്ഷ.

OTHER SECTIONS