സിസേറിയനിടെ ഡോക്ടര്‍മാര്‍ തുണിയുടെ ഭാഗം വയറിനുള്ളില്‍ മറന്നുവച്ചു; ഗുരുതരാവസ്ഥയിലായ യുവതി മരിച്ചു

By sisira.29 07 2021

imran-azhar

 

 


സിസേറിയനിടെ ഡോക്ടര്‍മാര്‍ തുണിയുടെ ഭാഗം വയറിനുള്ളില്‍ മറന്നുവച്ച രോഗി മരിച്ചു. ഉത്തര്‍ പ്രദേശിലെ ലഖ്നൗവ്വിലാണ് സംഭവം.

 

സിസേറിയന് ശേഷം ഗുരുതരാവസ്ഥയിലായ രോഗി ചികിത്സയിലിരിക്കെയാണ് മരിച്ചത്. കിംഗ് ജോര്‍ജ് മെഡിക്കല്‍ കോളേജിലെ ട്രോമാ സെന്ററിലായിരുന്നു യുവതിയെ പ്രവേശിപ്പിച്ചിരുന്നത്. തിങ്കളാഴ്ച വെന്‍റിലേറ്ററില്‍ വച്ചാണ് യുവതി മരിച്ചത്.

 

സംഭവത്തില്‍ മെഡിക്കല്‍ കോളേജ് പ്രിന്‍സിപ്പല്‍ രാജേഷ് കുമാര്‍ അന്വേഷണത്തിനായി മൂന്നംഗ കമ്മിറ്റിയെ നിയോഗിച്ചിരുന്നു.

 

എന്നാല്‍ ഈ കമ്മിറ്റിയിലുള്ളവര്‍ രോഗിയുടെ ബന്ധുക്കളുടെ മൊഴി തേടിയിട്ടില്ലെന്നാണ് യുവതിയുടെ ഭര്‍ത്താവ് ബുധനാഴ്ച ആരോപിച്ചത്.

 

രമാപൂര്‍ സ്വദേശിയായ മനോജിന്‍റെ ഭാര്യയും മുപ്പതുകാരിയുമായ നീലമാണ് ജനുവരി 6-ന് മകള്‍ക്ക് സിസേറിയനിലൂടെ ജന്മം നല്‍കിയത്. ഇതിനിടെയായിരുന്നു യുവതിയുടെ വയറിനുള്ളില്‍ തുണികഷ്ണം മറന്നുവച്ചത്.

 

പ്രസവത്തിന് ശേഷം യുവതിയുടെ ആരോഗ്യനിലയില്‍ സാരമായ തകരാറുകള്‍ ഉണ്ടായി. ഇതോടെ ലഖ്നൗവ്വിലെ മെഡിക്കല്‍ കോളേജില്‍ പ്രവേശിപ്പിക്കുകയായിരുന്നു.

 

എന്നാല്‍ രോഗം മൂര്‍ച്ഛിച്ച് യുവതി തിങ്കഴാള്ച രാത്രി മരിക്കുകയായിരുന്നു. ഷാജഹാന്‍പൂരിലെ മെഡിക്കല്‍ കോളേജിലെ സ്വകാര്യ മെഡിക്കല്‍ കോളേജില്‍ വച്ചാണ് യുവതിയുടെ വയറിനുള്ളില്‍ നിന്ന് തുണികഷ്ണം കണ്ടെത്തിയത്. ഓപ്പറേഷനിലൂടെ
ഇത് നീക്കിയിരുന്നു.

OTHER SECTIONS