CRICKET

ബുംറയുടെ ബൗളിംഗ് ആക്ഷൻ തിരിച്ചടിയാകും: പരിക്കേൽക്കാൻ സാധ്യതയേറെയെന്ന് ഷോയ്ബ് അക്തർ

കറാച്ചി. ഇന്ത്യൻ ക്രിക്കറ്റ് ടീമിന്റെ കുന്തമുന ആയുധമായ പേസ് ബൗളർ ജസ്പ്രീത് ബുംറയുടെ ബൗളിംഗ് ആക്ഷനുമായി ബന്ധപ്പെട്ട് വെളിപ്പെടുത്തലുമായി മുൻ പാക് താരം ഷോയ്ബ് അക്തർ രംഗത്ത്. ടി 20, ടെസ്റ്റ്, ഏകദിനം എന്നീ മൂന്ന് ഫോർമാറ്റുകളിൽ ഒരുമിച്ച് കളിക്കുന്നത് പരിക്കേൽക്കാൻ സാധ്യത ഏറെയാണെന്നാണ് അക്തർ പറയുന്നത്. ബുംറയുടെ ബൗളിംഗ് ആക്ഷൻ തന്നെയാണ് ഇതിന് കാരണം എന്നും അദ്ദേഹം പറയുന്നു. ബുംറയുടെ ബൗളിങ് ആക്ഷനുമായി ബന്ധപ്പെട്ട് നേരത്തെ തന്നെ വിമർശനങ്ങൾ ഉയർന്നിരുന്നു. ഇതിനു പിന്നാലെയാണ് അക്തറിന്റെ വെളിപ്പെടുത്തൽ.

കനത്ത മഴ: ഇംഗ്ലണ്ട്-വെസ്റ്റ് ഇൻഡീസ് രണ്ടാം ടെസ്റ്റ് വൈകുന്നു

മാഞ്ചസ്റ്റർ: കനത്ത മഴയും മോശം കാലാവസ്ഥയും കാരണം ഇംഗ്ലണ്ട്-വെസ്റ്റ് ഇൻഡീസ് രണ്ടാം ടെസ്റ്റ് വൈകുന്നു. കനത്ത മഴ കാരണം കളിക്കാർ പരിശീലനത്തിന് പോലും മൈതാനത്തേക്ക് ഇറങ്ങിയിട്ടില്ല. മൂന്ന് മാറ്റങ്ങളുമായാണ് ഇംഗ്ലണ്ട് ഇന്ന് കളത്തിലിറങ്ങാനിരുന്നത്. മാര്‍ക്ക് വുഡ്, ജയിംസ് ആന്‍ഡേഴ്‌സണ്‍, ജോ ഡെന്‍ലി എന്നിവർ ടീമിൽ നിന്നും പുറത്തായി. പകരം സ്റ്റുവര്‍ട്ട് ബ്രോഡ്, സാം കറന്‍, ഓലി റോബിന്‍സണ്‍ എന്നിവരെയാണ് ടീമിൽ ഉൾപ്പെടുത്തിയത്. കോവിഡ് മാർഗനിർദേശങ്ങൾ ലംഘിച്ച ജോഫ്രാ അർച്ചർ ടോസിന് മുൻപാണ് ടീമിൽ നിന്നും പുറത്തായത്. സതാംപ്ടണില്‍ നടന്ന പരമ്പരയിലെ ആദ്യ മത്സരം വെസ്റ്റ് ഇൻഡീസ് ജയിച്ചിരുന്നു.

Show More