FOOTBALL

അന്താരാഷ്ട്ര ഫുട്ബോളിൽ ഏറ്റവും കൂടുതൽ ഗോളുകൾ! ചരിത്ര നേട്ടവുമായി ഇതിഹാസ താരം

UPDATED3 weeks ago

അന്താരാഷ്ട്ര ഫുട്ബോളിൽ ഏറ്റവും കൂടുതൽ ഗോൾ നേടുന്ന താരം എന്ന റെക്കോർഡ് സ്വന്തമാക്കിയിരിക്കുകയാണ് ഇതിഹാസ താരം. ലയണൽ മെസി ആണോ ക്രിസ്റ്റ്യാനോ റൊണാൾഡോയോ ആ നേട്ടത്തിന് പിന്നിൽ? സംശയിക്കണ്ട സാക്ഷാൽ ക്രിസ്റ്റ്യാനോ റൊണാൾഡോ തന്നെയാണ് ഈ ചരിത്ര നേട്ടം സ്വന്തം പേരിൽ കുറിച്ചിരിക്കുന്നത്. 180 മത്സരങ്ങളിൽ നിന്നായി 111 ഗോളുകളാണ് റൊണാൾഡോ പോർച്ചുഗലിനായി നേടിയത്. ഇതോടെ ഇറാൻ ഇതിഹാസ താരം അലി ദേയിയുടെ 109 ഗോൾ എന്ന റെക്കോർഡാണ് റൊണാൾഡോ മറികടന്നത്. അയര്‍ലന്‍ഡിനെതിരായ മത്സരത്തില്‍ ഇരട്ട ഗോളാണ് റൊണാള്‍ഡോ നേടിയത്. റെക്കോര്‍ഡ് നേട്ടം കൈവരിച്ചതിനാല്‍ മാത്രമല്ല ഈ നിമിഷത്തിന്റെ പ്രത്യേകതയാലും അതീവ സന്തോഷവാനാണ് താനെന്ന് ചരിത്രം കുറിച്ച റൊണാള്‍ഡോ പ്രതികരിച്ചു.

ഡാനിയേല്‍ ജെയിംസ് യുണൈറ്റഡ് വിട്ടു; ലീഡ്‌സ് യുണൈറ്റഡുമായി അഞ്ചുവര്‍ഷത്തെ കരാർ ഒപ്പുവെച്ചു

UPDATED3 weeks ago

ലണ്ടൻ: വെയ്ല്‍സ് യുവതാരം ഡാനിയേല്‍ ജെയിംസ് മാഞ്ചെസ്റ്റര്‍ യുണൈറ്റഡ് വിട്ടു. യുണൈറ്റഡിനായി 50 മത്സരങ്ങള്‍ കളിച്ച താരം ആറുഗോളുകള്‍ നേടിയിട്ടുണ്ട്. 2019 ൽ സ്വാന്‍സിയില്‍ നിന്നാണ് ജെയിംസ് യുണൈറ്റഡിലേക്കെത്തുന്നത്. യുണൈറ്റഡ് വിട്ട ഡാനിയേല്‍ ജെയിംസിനെ ലീഡ്‌സ് യുണൈറ്റഡാണ് സ്വന്തമാക്കിയിരിക്കുന്നത്. ലീഡ്‌സ് അഞ്ച് വർഷത്തെ കരാർ ഡാനിയേലുമായി ഒപ്പുവെച്ചു. വേഗമേറിയ നീക്കങ്ങളാണ് താരത്തിന്റെ കരുത്ത്. മുന്നേറ്റ നിരയിൽ ഡാനിയേൽ ഒരു മുതൽക്കൂട്ടാകുമെന്നാണ് ലീഡ്‌സിന്റെ പ്രതീക്ഷ.

Show More