വ്യാജ ആപ്പുകളും വെബ്‌സൈറ്റും സൂക്ഷിക്കുക; മുന്നറിയിപ്പുമായി ഐആർസിടിസി

ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷൻ അടുത്തിടെ തങ്ങളുടെ എല്ലാ ഉപയോക്താക്കൾക്കും ഒരു വ്യാജ ആൻഡ്രോയിഡ് ആപ്ലിക്കേഷനെക്കുറിച്ചും ഉപയോക്താക്കളിൽ നിന്ന് തന്ത്രപ്രധാനമായ വിവരങ്ങൾ മോഷ്‌ടിക്കാനുനായി സ്‌കാമർമാർ സൃഷ്‌ടിച്ച വെബ്‌സൈറ്റിനെക്കുറിച്ചും മുന്നറിയിപ്പ് നൽകിയിരുന്നു.

വ്യാജ ആപ്പും വെബ്‌സൈറ്റും യഥാർത്ഥ ഐആർസിടിസി ആപ്പിനോടും വെബ്‌സൈറ്റിനോടും സാമ്യമുള്ളതിനാൽ ഉപയോക്താക്കൾക്ക് ഇവ രണ്ടും തമ്മിൽ വേർതിരിച്ചറിയാൻ ബുദ്ധിമുട്ടാണ്.

'irctcconnect.apk' എന്ന പേരിൽ വ്യാജ ഐആർസിടിസി ആപ്പ് വാട്ട്‌സ്ആപ്പ്,ടെലിഗ്രാം തുടങ്ങിയ സന്ദേശമയയ്‌ക്കൽ പ്ലാറ്റ്‌ഫോമുകളിലൂടെയാണ് പ്രചരിക്കുന്നത്. 

ഐആർസിടിസിയിൽ നിന്ന് ട്രെയിൻ ടിക്കറ്റ് ബുക്ക് ചെയ്യാനുള്ള യഥാർത്ഥ വെബ്‌സൈറ്റ് അല്ലെങ്കിൽ ആപ്പ് ഇതാണ് എന്ന് പറഞ്ഞ് തട്ടിപ്പുകാർ വ്യാജ വെബ്‌സൈറ്റിന്റെ ലിങ്കോ വ്യാജ ആപ്പിന്റെ APK ഫയലോ ഉപയോഗിച്ച് സന്ദേശങ്ങൾ അയയ്ക്കുന്നു.സംശയിക്കാത്ത ഇരകളിൽ നിന്ന് യുപിഐ വിശദാംശങ്ങളും ക്രെഡിറ്റ്/ഡെബിറ്റ് കാർഡ് വിവരങ്ങളും ഉൾപ്പെടെ സെൻസിറ്റീവ് നെറ്റ് ബാങ്കിംഗ് ക്രെഡൻഷ്യലുകൾ നേടുന്നതിന് തട്ടിപ്പുകാർ വ്യാജ ആപ്പും വെബ്‌സൈറ്റും ഉപയോഗിക്കുന്നു.

ഉപയോക്താക്കളോട് ജാഗ്രത പാലിക്കണമെന്നും സംശയാസ്‌പദമായ ആപ്പുകൾ ഡൗൺലോഡ് ചെയ്യരുതെന്നും,ഇത്തരം വെബ്സൈറ്റുകൾ സന്ദർശിക്കരുതെന്നും ഐആർസിടിസി അഭ്യർത്ഥിച്ചു.

വൈറലായ വ്യാജ വെബ്‌സൈറ്റിനെയും ആപ്പിനെയും സംബന്ധിച്ചിടത്തോളം, നിലവിൽ https://irctc.creditmobile.site എന്ന വെബ്‌സൈറ്റ് റെയിൽവേ തടഞ്ഞു.