Gold written on the tongue at the vidyaarambha should be sterilized Minister of Health kk shailaja

വിദ്യാരംഭത്തില്‍ നാവില്‍ എഴുതുന്ന സ്വര്‍ണ്ണം അണുവിമുക്തമാക്കണം ; ആരോഗ്യമന്ത്രി

തിരുവനന്തപുരം: കോവിഡ് വ്യാപന പശ്ചാത്തലത്തില്‍ വിദ്യാരംഭ ച്ചടങ്ങുകളില്‍ ആള്‍ക്കൂട്ടം ഒഴിവാക്കണമെന്ന് ആരോഗ്യമന്ത്രി കെകെ ശൈലജ അറിയിച്ചു. ജനങ്ങള്‍ ഒത്തുകൂടിയാല്‍ കോവിഡ് വ്യാപിക്കാനുള്ള സാദ്ധ്യത കൂടുതലാണ്. അതിനാല്‍ ഈ പൂജാനാളുകളില്‍ ഏറെ ജാഗ്രത വേണം. ആരില്‍ നിന്നും ആരിലേയ്ക്കും രോഗം പകരാവുന്ന അവസ്ഥയാണുള്ളത്. കുട്ടികള്‍ക്കും പ്രായമായവര്‍ക്കും കോവിഡ് ബാധിച്ചാല്‍ പെട്ടെന്ന് ഗുരുതരാവസ്ഥയിലെത്തും. അതിനാല്‍ വിദ്യാരംഭം വീടുകളില്‍ തന്നെ നടത്തുന്നതാണ് ഉചിതമെന്ന് മന്ത്രി പറഞ്ഞു.