Mazha Mizhi

'മഴ മിഴി' യിൽ ബുധനാഴ്ച ഊരാളികൂത്തും, ആര്യമാലയും, നാടൻപാട്ടും

തിരുവനന്തപുരം: കേരള സർക്കാരിന്റെ സാംസ്കാരിക വകുപ്പിന്റെയും വിവിധ സാംസ്കാരിക സ്ഥാപനങ്ങളുടെയും സഹകരണത്തോടെ കോവിഡ് പ്രതിസന്ധിയുടെ കാലത്ത് കലാസമൂഹത്തിന് നവ മാധ്യമത്തിലൂടെ വേദി ഒരുക്കുവാനും സാമ്പത്തിക സഹായം ലഭ്യമാക്കുന്നതിനുമായി ഒരുക്കുന്ന സമാശ്വാസ പദ്ധതിയായ മഴമിഴി മൾട്ടി മീഡിയ മെഗാ സ്ട്രീമിങ്ങിൽ പതിനൊന്നാം ദിനമായ നാളെ ഊരാളികൂത്ത്, ആര്യമാല, നാടൻപാട്ട്, ഘടലയം, സ്കിറ്റ് എന്നിവ അരങ്ങേറും. ഇന്നലെ തമ്പി പയ്യപ്പിള്ളിയും സംഘവും അവതരിപ്പിച്ച ചവിട്ടുനാടകം പ്രേക്ഷകർക്ക്‌ പുത്തൻ അനുഭവമായി.