വർക്കലയിൽ ഓടിക്കൊണ്ടിരുന്ന ട്രെയിനിൽ നിന്ന് യുവതിയെ തള്ളിയിട്ടു .ആക്രമണത്തിൽ പരിക്കേറ്റ യുവതിയുടെ നില ഗുരുതരം

തിരുവനന്തപുരം:  തിരുവനന്തപുരത്തേയ്ക്കുള്ള കേരള എക്‌സ്പ്രസിൽ നിന്നാണ് യാത്രക്കാരിയെ മദ്യലഹരിയിൽ തള്ളിയിട്ടു .

വർക്കലയിൽ വെച്ചാണ് സംഭവം ഉണ്ടായതു .ട്രാക്കിൽ  വീണു കിടന്ന യുവതി ഇപ്പോൾ  ആശുപത്രിയിൽ തുടരുകയാണ് .

തിരുവനന്തപുരം വെള്ളറട സ്വദേശി സുരേഷ് കുമാർ എന്നയാളാണ് മദ്യലഹരിയിൽ ഇത്തരത്തിലുള്ള ആക്രമണം നടത്തിയത് .

എട്ടരയോടെ വർക്കല അയന്തിമേൽപ്പാലത്തിന് സമീപമാണ് സംഭവം.

 പരിക്കേറ്റ് ട്രാക്കിൽ കിടന്ന യുവതിയെ എതിരെ വന്ന മെമു ട്രെയിൻ ആണ് ആദ്യം കാണുന്നത്.

 തുടർന്ന് പൊലീസിനെ വിവരം അറിയിക്കുകയും ആശുപത്രിയിലെത്തിക്കുകയുമായിരുന്നു.

19 വയസുള്ള പെൺകുട്ടിക്ക് ആന്തരിക രക്തസ്രാവമുണ്ട്. പ്രതി കോട്ടയത്തു നിന്നാണ് ട്രെയിനിൽ കയറിയതെന്നാണ് വിവരം.

 പെയിന്റിങ് തൊഴിലാളിയാണെന്നാണ് പൊലീസ് നൽകുന്ന വിവരം. ഇയാളെ പൊലീസ് ചോദ്യം ചെയ്തു വരികയാണ്.

ആശുപത്രിയിലുള്ള യുവതിയുടെ നില ഗുരുതരമാണ്. ആദ്യം വർക്കല സ്വകാര്യ ആശുപത്രിയിൽ എത്തിക്കുകയും പിന്നീട് തിരുവനന്തപുരം മെഡിക്കൽ കോളജിലേയ്ക്ക് മാറ്റിയിട്ടുണ്ട്.

പെൺകുട്ടിക്കൊപ്പം മറ്റൊരു സുഹൃത്ത് കൂടി യാത്ര ചെയ്തിരുന്നു. ജനറൽ കംപാർട്‌മെന്റിലായിരുന്നു ഇരുവരും യാത്ര ചെയ്തിരുന്നത്.

ഒരു പ്രകോപനവുമില്ലാതെയാണ്  പ്രതി ഇത്തരത്തിൽ ഒരു ആക്രമണം നടത്തിയതെന്ന്  യുവതിക്കൊപ്പം യാത്ര ചെയ്ത സുഹൃത്ത്‌ മാധ്യമങ്ങളോട് പ്രതികരിച്ചു.

ചവിട്ടിയാണ്  പെൺകുട്ടിയെ ട്രെയിനിൽ നിന്ന് പുറത്തേയ്ക്ക് തള്ളിയിട്ടതെന്നും ആക്രമണം തടയാൻ ശ്രെമിച്ച തന്നെയും തള്ളിയിടാൻ ശ്രമിച്ചു എന്നും പെൺകുട്ടിയുടെ സുഹൃത്ത്‌ ആയ അർച്ചന പോലീസിന് മൊഴി നൽകി .

 പകുതി പുറത്തേയ്ക്ക് വീണെങ്കിലും രക്ഷപ്പെടാൻ കഴിഞ്ഞു. ബാത്ത്‌റൂമിൽ പോയി തിരികെ വന്നപ്പോഴാണ് പിന്നിൽ നിന്നും തള്ളിയിട്ടതെന്നും പെൺകുട്ടി പറയുന്നു.