കാത്തിരിപ്പിന് വിരാമമിട്ടുകൊണ്ട് കേരളത്തില്‍ ഇ-സിം സേവനങ്ങൾ ആരംഭിച്ചു ബിഎസ്എൻഎൽ

കൊച്ചി: പൊതുമേഖല ടെലികോം ഓപ്പറേറ്റര്‍മാരായ ബിഎസ്എന്‍എല്‍ (ഭാരത് സഞ്ചാര്‍ നിഗം ലിമിറ്റഡ്) കേരളത്തിലും ഇ-സിം സേവനം ആരംഭിച്ചു.

 എറണാകുളം, ഇടുക്കി, ലക്ഷദ്വീപ് ഏരിയയിലെ എല്ലാ കസ്റ്റമർ സർവീസ് സെന്‍ററുകളിലും ബിഎസ്എൻഎൽ ഇ-സിം സേവനങ്ങൾ ലഭ്യമാണെന്ന് പ്രിൻസിപ്പൽ ജനറൽ മാനേജർ ഡോ. കെ. ഫ്രാൻസിസ് ജേക്കബ് അറിയിച്ചു.

 കേരളത്തില്‍ 4ജി നെറ്റ്‌വര്‍ക്ക് സാങ്കേതികവിദ്യയും സാധ്യമാക്കിയതിന് പിന്നാലെയാണ് ബിഎസ്എന്‍എല്ലിന്‍റെ ഇ-സിം സൗകര്യവും എത്തിയിരിക്കുന്നത്.

 കൂടുതല്‍ ഉപഭോക്താക്കളെ ആകര്‍ഷിക്കാന്‍ ഇതുവഴി ബിഎസ്എന്‍എല്ലിനായേക്കും.പുത്തൻ നൂതന ആശയങ്ങൾ കൊണ്ടുവരാനും അത് പ്രാവർത്തികമാക്കാനും ആണ് ബി എസ് എൻ എൽ ഒരുങ്ങുന്നത് .