സി പി ഐ മന്ത്രിമാർ ഉൾപ്പെടെ പങ്കെടുത്ത ഭക്ഷ്യ വകുപ്പിന്റെ യോഗത്തിൽ നിന്ന് ഇറങ്ങി പോയി മുഖ്യമന്ത്രി പിണറായി വിജയൻ

എറണാകുളം: എറണാകുളത്ത് വെച്ച് നടന്ന ഭക്ഷ്യവകുപ്പിന്റെ  യോഗത്തിൽ നിന്ന് ഇറങ്ങിപ്പോയിമുഖ്യമന്ത്രി പിണറായി വിജയൻ .

നെല്ലുസംഭരണവുമായി ബന്ധപ്പെട്ട് എറണാകുളം ഗസ്റ്റ് ഹൗസിലെ യോഗത്തിനെത്തിയപ്പോഴായിരുന്നു മുഖ്യമന്ത്രി ഇറങ്ങിപോയത് .

സിപിഐ മന്ത്രിമാരടക്കമുളളവർ ഈ യോഗത്തിൽ പങ്കെടുത്തിരുന്നു . കൃഷി, സിവിൽ സപ്ലൈസ്, ധനകാര്യം, വൈദ്യുതി എന്നീ വകുപ്പുകളുടെ മന്ത്രിമാരാണ് ഉണ്ടായിരുന്നത്.

 യോഗത്തിനെത്തിയ മുഖ്യമന്ത്രി മില്ലുടമകളില്ലെന്ന കാരണം പറഞ്ഞായിരുന്നു ഇറങ്ങിപ്പോയത് .

നാളെ വൈകിട്ട് നാലുമണിക്ക് തിരുവനന്തപുരത്ത് യോഗം നടത്താമെന്ന് സിപിഐ മന്ത്രിമാരടക്കമുളളവരെ അറിയിച്ചു.

നാളത്തെ മന്ത്രിസഭാ യോഗത്തിനുശേഷമാണ് സിപിഐ മന്ത്രിമാരുൾപ്പെട്ട യോഗം വിളിച്ചിരിക്കുന്നത്.

പിഎം ശ്രീ പദ്ധതിയിൽ കേരളം ചേര്‍ന്നതുമായി ബന്ധപ്പെട്ട തര്‍ക്കത്തെതുടര്‍ന്ന് മന്ത്രിസഭാ യോഗം ബഹിഷ്കരിക്കുമെന്ന് സിപിഐ അറിയിച്ചിരുന്നു.

മന്ത്രിമാർക്കുപുറമേ ഉന്നത ഐ എ എസ് ഉദ്യോഗസ്ഥരും ഇന്ന് കൊച്ചിയിൽ യോഗത്തിനെത്തിയിരുന്നു.

സിപിഐയോടുളള അതൃപ്തിയാണ് യോഗം മാറ്റിവയ്ക്കാൻ കാരണമെന്ന് സൂചന.