കെപിസിസി പുനസംഘടനയിലെ തര്‍ക്കത്തില്‍ കേരള നേതാക്കളെ ഡല്‍ഹിക്ക് വിളിപ്പിച്ച് കോണ്‍ഗ്രസ് ഹൈക്കമാന്‍ഡ്.

തിരുവനന്തപുരം: കെപിസിസി പുനസംഘടനയിൽ നടക്കുന്ന വളരെ ഗുരുതരമായ തർക്കത്തിൽ  കേരള നേതാക്കളെ ഡൽഹിക്ക് വിളിപ്പിച്ച് കോൺഗ്രസ് ഹൈക്കമാൻഡ്.

സണ്ണിജോസഫ്, വിഡി സതീശൻ, ചെന്നിത്തല അടക്കമുള്ള നേതാക്കളെയാണ് വിളിപ്പിച്ചത്.

 പുനഃസംഘടനയുമായി ബന്ധപ്പെട്ട് രൂപപ്പെട്ട ഭിന്നത പരിഹരിക്കരിക്കുന്നത് കൂടാതെ എസ്‌ഐആറിൽ സ്വീകരിക്കേണ്ട തന്ത്രങ്ങളും ചർച്ചയാകും.

കെപിസിസി പുനഃസംഘടനയുമായി ബന്ധപ്പെട്ടുള്ള തർക്കങ്ങൾ തീർക്കാനാണ് ഹൈക്കമാന്റിന്റെ ശ്രമം.

 നാളെ രാവിലെ 11ന് എഐസിസി ആസ്ഥാനത്ത് കേരള നേതാക്കളുടെ യോഗം ചേരും. പുന:സംഘടനയിലെ അതൃപ്തികൾ നേതാക്കൾ ഹൈക്കമാഡിനെ അറിയിക്കും.

കെപിസിസി അധ്യക്ഷനും പ്രതിപക്ഷ നേതാവും മുൻ കെപിസിസി അധ്യക്ഷന്മാരും യോഗത്തിൽ പങ്കെടുക്കും. കെപിസിസി സെക്രട്ടറിമാരുടെ നിയമനം ഉൾപ്പെടെ ചർച്ചയാകും.

 തദ്ദേശ തെരഞ്ഞെടുപ്പിന്റെ പശ്ചാത്തലത്തിലാണ് ഇത്തരത്തിലുള്ള അനുനയ നീക്കത്തിനായി കോൺഗ്രസ് ഹൈക്കമാൻഡ് ഒരുങ്ങുന്നത് .

അതിനിടയിൽ യൂത്ത് കോൺഗ്രസ് അധ്യക്ഷ നിയമനത്തിലെ അതൃപ്തരായ ഐ വിഭാഗം നേതാക്കൾ ദേശീയ അധ്യക്ഷന് പരാതി നൽകി.

 ദേശീയ സെക്രട്ടറി അബിൻ വർക്കിയുടെ നേതൃത്വത്തിൽ സംസ്ഥാന ഭാരവാഹികളാണ് കൂടിക്കാഴ്ച നടത്തിയത്.

 പ്രശ്നങ്ങൾ പരിഹരിക്കുമെന്ന് നേതാക്കൾ ഉറപ്പുനൽകി.

 തുടർന്നാണ് സംസ്ഥാന അധ്യക്ഷനായി ഒ ജെ ജനീഷ് കുമാർ ചുമതലയിൽ ചടങ്ങിലേക്ക് ഐ ഗ്രൂപ്പ് നേതാക്കളെത്തിയത്.