സിപിഐ മന്ത്രിമാര്‍ നാളത്തെ മന്ത്രിസഭായോഗത്തില്‍ പങ്കെടുക്കില്ല

തിരുവനന്തപുരം:  പിഎം ശ്രീ വിഷയത്തിലെ ഭിന്നത തീർക്കാനായി മുഖ്യമന്ത്രി പിണറായിവിജയനും സിപിഐ സംസ്ഥാന സെക്രട്ടറി ബിനോയ് വിശ്വവും ഇന്നലെ വൈകിട്ട് നടത്തിയ ചർച്ച ഫലപ്രദമാകാത്ത സാഹചര്യത്തിൽ  സിപിഐ മന്ത്രിമാർ നാളത്തെ മന്ത്രിസഭായോഗത്തിൽ പങ്കെടുക്കില്ലെന്ന് സൂചന .

 ധാരണാപത്രം റദ്ദാക്കാനുള്ള സാധ്യത ആരായാൻ സിപിഎം വിസമ്മതിച്ചാൽ നാലു മന്ത്രിമാരും രാജിവയ്ക്കണമെന്ന ധാരണയാണ് സിപിഐ നിർവാഹകസമിതി യോഗത്തിൽ ഉണ്ടായത്.

അതേസമയം എൽഡിഎഫിൽ ഉറച്ചുനിൽക്കുകയും ചെയ്യും.തദ്ദേശ തെരഞ്ഞെടുപ്പ് പ്രഖ്യാപനത്തിന് ദിവസങ്ങൾ മാത്രം ശേഷിക്കെ ഇടതു മുന്നണിയിൽ ഉടലെടുത്ത അരക്ഷിതാവസ്ഥയിൽ മറ്റ് ഘടകക്ഷികളും ആശങ്കയിലായി.

 മുഖ്യമന്ത്രി നേരിട്ട് ഇടപെട്ടതോടെ ഒത്തുതീർപ്പിലെത്തുമെന്നായിരുന്നു പ്രതീക്ഷ. എന്നാൽ, ഇരു പക്ഷവും വിട്ടുവീഴ്ചയില്ലാത്ത നിലപാടാണ് സ്വീകരിച്ചതെന്നാണ് സൂചന.