പിഎം ശ്രീ വിഷയത്തില്‍ മുഖ്യമന്ത്രി വിളിച്ചാല്‍ ചര്‍ച്ച ചെയ്യാൻ തയ്യാറാണെന്ന് സിപിഐ സംസ്ഥാന സെക്രട്ടറി ബിനോയ് വിശ്വം

ആലപ്പുഴ: പിഎം ശ്രീ വിഷയത്തിൽ മുഖ്യമന്ത്രി വിളിച്ചാൽ ചർച്ചചെയ്യാൻ തയ്യാറാണെന്ന അഭിപ്രായത്തിൽ സിപിഐ സംസ്ഥാന സെക്രട്ടറി ബിനോയ് വിശ്വം. എൽഡിഎഫിന്റെ ഭാഗമാണ് സിപിഐയും സിപിഎമ്മുംഎന്നും  ചർച്ചയുടെ വാതിൽ എൽഡിഎഫിൽ എപ്പോഴും ഉണ്ടാകുമെന്നും അത് തുറന്നുകിടക്കുമെന്നും എൽഡിഎഫ് എൽഡിഎഫ് ആണെന്നും ബിനോയ് പറഞ്ഞു.

 എൽഡിഎഫിന് രാഷ്ട്രീയ അടിത്തറയുണ്ട്. ആശയ അടിത്തറയുണ്ട്. അതുകൊണ്ട് പരസ്പരബന്ധങ്ങളുണ്ട്. ചർച്ചകളുണ്ടാകുമെന്നും ബിനോയ് വിശ്വം പറഞ്ഞു.മുന്നണിയെ ഇരുട്ടിൽ നിർത്തി ഒപ്പിട്ടതിന് മറുപടിയായി സിപിഐയുടെ മന്ത്രിമാർ കഴിഞ്ഞ ദിവസത്തെ സെക്രട്ടേറിയറ്റ് യോഗത്തിൽ രാജിസന്നദ്ധത അറിയിച്ചിരുന്നു.

മന്ത്രിസഭായോഗത്തിൽ നിന്നും വിട്ടുനിൽക്കുന്നതും പരിഗണനയിലുണ്ട്. കാബിനറ്റിൽ പോലും ചർച്ച ചെയ്യാതെ എംഒയു ഒപ്പിട്ടതിൽ സർക്കാരിനെതിരെ രൂക്ഷവിമർശനവുമായി ബിനോയ് വിശ്വം രംഗത്തെത്തിയിരുന്നു.