പിഎം ശ്രീ വിഷയത്തില്‍ സിപിഐയെ അനുനയിപ്പിക്കാന്‍ തിരക്കിട്ട് നീക്കവുമായി സിപിഎം.

തിരുവനന്തപുരം: പിഎം ശ്രീ വിഷയത്തില്‍ സിപിഐയെ അനുനയിപ്പിക്കാന്‍ തിരക്കിട്ട് നീക്കവുമായി സിപിഎം. തദ്ദേശ നിയമസഭാ തെരഞ്ഞെടുപ്പുകള്‍ പടിവാതില്‍ക്കല്‍ എത്തി നില്‍ക്കേ അതിവേഗം പ്രശ്‌നപരിഹാരത്തിനാണ് നീക്കം.

 എന്നാല്‍ പദ്ധതിയില്‍ നിന്ന് പിന്‍വാങ്ങുകയല്ലാതെ മറ്റൊരു അനുനയത്തിനും ഇല്ലെന്നാണ് സിപിഐലെ ഒരു വിഭാഗത്തിന്റെ നിലപാട്.മുഖ്യമന്ത്രിയും എല്‍ഡിഎഫ് കണ്‍വീനറും സിപിഐ നേതാക്കളുമായി വിഷയം ചര്‍ച്ച ചെയ്യും.

 മറ്റന്നാളാണ് നിര്‍ണായകമായ സിപിഐ സംസ്ഥാന എക്‌സിക്യൂട്ടീവ്. അതിനുമുന്നേ സിപിഐയെ അനുനയിപ്പിക്കാന്‍ ആണ് സിപിഎം നീക്കം.

 അനുനയത്തിന് മുഖ്യമന്ത്രി തന്നെ നേരിട്ട് ഇറങ്ങുമെന്നാണ് വിവരം. അതിനിടയാണ് അവസാനം ചേര്‍ന്ന മന്ത്രിസഭായോഗത്തിനും ഒരാഴ്ച മുമ്പ് കരാര്‍ ഒപ്പിട്ടെന്ന രേഖകള്‍ പുറത്തുവന്നത്. ഇതും സിപിഐയെ കൂടുതല്‍ പ്രകോപിച്ചിട്ടുണ്ട്.