നവംബര്‍ ഒന്നുമുതല്‍ വാല്‍പാറയില്‍ പ്രവേശിക്കാന്‍ ഇ- പാസ് നിര്‍ബന്ധം.

കോയമ്പത്തൂർ: നവംബർ ഒന്നുമുതൽ വാൽപാറയിൽ പ്രവേശിക്കാൻ ഇ- പാസ് നിർബന്ധമാക്കി .

 നവംബർ ഒന്നുമുതൽ വാൽപാറയിൽ പ്രവേശിക്കാൻ വിനോദസഞ്ചാരികൾ ഇ- പാസ് എടുക്കണമെന്ന് കാട്ടി കോയമ്പത്തൂർ ജില്ലാ കലക്ടർ ഉത്തരവിറക്കി.

നീലഗിരി ജില്ലയിലും കൊടൈക്കനാലിലും വിനോദസഞ്ചാരികളുടെ തിരക്ക് വർധിച്ചതിനാൽ നേരത്തെ തന്നെ പാസ് നിർബന്ധമാക്കിയിരുന്നു.

അതോടെ സഞ്ചാരികൾ വാൽപാറ ലക്ഷ്യമാക്കിയതോടെ വൻതിരക്ക് മൂലം നഗരം പലപ്പോഴും ഗതാഗതക്കുരുക്കിൽ വലയുകയാണ്. ഈ പശ്ചാത്തലത്തിലാണ് കോയമ്പത്തൂർ ജില്ലാ ഭരണകൂടത്തിന്റെ നടപടി.

സഞ്ചാരികളുടെ ഇഷ്ട റൂട്ടായ വാൽപ്പാറയിൽ ഇ-പാസ് സംവിധാനം ഏർപ്പെടുത്താൻ മദ്രാസ് ഹൈക്കോടതി നിർ‌ദേശിച്ചിരുന്നു.

 ഇതിന്റെ അടിസ്ഥാനത്തിലാണ് നടപടി. അതീവ ശ്രദ്ധ വേണ്ട പശ്ചിമഘട്ടത്തിന്റെ ഭാഗമായ വാൽപ്പാറയുടെ പരിസ്ഥിതി സംരക്ഷണം മുൻനിർത്തിയാണ് ഇ-പാസ് ഏർപ്പെടുത്തുന്നത്.

 തേയിലത്തോട്ടങ്ങൾക്കും വിനോദസഞ്ചാരികളുടെ തിരക്കിനും പേരുകേട്ട പരിസ്ഥിതി ലോല ഹിൽ സ്റ്റേഷനാണ് വാൽപ്പാറ.