ശബരിമലയിലെ സ്വര്‍ണം ബെല്ലാരിയിലെ സ്വര്‍ണവ്യാപാരിക്ക് ഉണ്ണികൃഷ്ണന്‍ പോറ്റി വിപണി വിലയ്ക്ക് വിറ്റു എന്ന് കണ്ടെത്തി

തിരുവനന്തപുരം: ശബരിമലയിലെ സ്വർണം ബെല്ലാരിയിലെ സ്വർണവ്യാപാരിക്ക് ഉണ്ണികൃഷ്ണൻ പോറ്റി വിപണി വിലയ്ക്ക് വിറ്റതായി പ്രത്യേക അന്വേഷണ സംഘം കണ്ടെത്തി .

സ്മാർട്ട് ക്രിയേഷൻസിൽ നിന്നും ബാക്കി വന്ന 476 ഗ്രാം സ്വർണമാണ് ഉണ്ണികൃഷ്ണൻ പോറ്റി വിറ്റു കാശാക്കിയത്.

 ബെല്ലാരിയിലെ സ്വർണ വ്യാപാരി ഗോവർധനാണ് പോറ്റി സ്വർണം വിറ്റത്.ഗോവർധനുമായി ഉണ്ണികൃഷ്ണൻ പോറ്റിക്ക് മറ്റ് സാമ്പത്തിക ഇടപാടുകൾ ഉണ്ടെന്നും എസ്‌ഐടി കണ്ടെത്തിയതായി റിപ്പോർട്ടുണ്ട്.

ശബരിമലയിലെ ശാന്തി എന്നു പറഞ്ഞാണ് ഉണ്ണികൃഷ്ണൻ പോറ്റി ഗോവർധനെ കബളിപ്പിച്ചത്.

 ഉണ്ണികൃഷ്ണൻ പോറ്റിക്ക് വേണ്ടി കൽപേഷ് എന്നയാളാണ് സ്വർണം വാങ്ങിയതെന്ന് ചെന്നൈ സ്മാർട്ട് ക്രിയേഷൻസ് സിഇഒ അറിയിച്ചിരുന്നു.

 ഇയാളെക്കുറിച്ചും എസ്‌ഐടിക്ക് വ്യക്തമായ സൂചന ലഭിച്ചതായി റിപ്പോർട്ടുകളുണ്ട്.

ശബരിമലയിൽ വിജയ് മല്യ 24 കാരറ്റ് സ്വർണമാണ് പൊതിഞ്ഞത്. 2019 ൽ ഇതാണ് ചെന്നൈയിലെ സ്മാർട്ട് ക്രിയേഷൻസിൽ വെച്ച് വേർതിരിച്ചെടുത്തത്. 989 ഗ്രാം സ്വർണമാണ് വേർതിരിച്ചെടുത്തത്.

അതിൽ നിന്നും 109 ഗ്രാം ചെന്നൈ സ്മാർട്ട് ക്രിയേഷൻസ് പണിക്കൂലിയായി വാങ്ങിയിരുന്നു. ഉണ്ണികൃഷ്ണൻ പോറ്റി വിൽപ്പന നടത്തിയ സ്വർണം കണ്ടെടുക്കുകയാണ് എസ്‌ഐടിയുടെ അടുത്ത ദൗത്യം.