മലയോരത്ത് കനത്ത മഴയിൽ മലമ്പുഴ ഡാം ഷട്ടർ ഉയർത്തി, മറ്റ് ഏഴ് ഡാമുകളിൽ നിന്നും വെള്ളം തുറന്നുവിടുന്നു

പാലക്കാട്: സംസ്ഥാനത്ത് മലയോരമേഖലയിൽ  മഴ തുടരുന്നതിനിടെ മലമ്പുഴ ഡാം ഷട്ടർ ഉയർത്തി .

ഡാമിൻ്റെ വൃഷ്ടി പ്രദേശങ്ങളിൽ മഴ തുടരുന്ന സാഹചര്യത്തിൽ ഡാമിലേക്കുള്ള നീരൊഴുക്ക് വർദ്ധിക്കുന്നതിനാൽ ജലനിരപ്പ് ക്രമീകരിച്ച് നിർത്തുന്നതിനായാണ് മലമ്പുഴ ഡാമിൻ്റെ 4 സ്പിൽവേ ഷട്ടറുകൾ 30 സെൻ്റീമീറ്റർ ആയി രാത്രി ഉയർത്തിയത്.

3100 ക്യൂസ്ക്സ് വെള്ളം കല്പാത്തി പുഴയിലൂടെ ഭാരതപ്പുഴയിലേക്ക് എത്തുന്നുണ്ട്.

ജലമൊഴുക്ക് കൂടിയതിനെത്തുടർന്ന് രാത്രി 12:45 ഓടെ മുക്കൈ പാലം മുങ്ങി. പാലത്തിൻ്റെ ഇരുവശത്തുമായി പാലക്കാട് ടൗൺ നോർത്ത്, മലമ്പുഴ പോലീസിൻ്റെ നിരീക്ഷണമുണ്ട്. ഇതുവഴി വരുന്ന വാഹനങ്ങൾ രാത്രി വഴിതിരിച്ചുവിടുകയായിരുന്നു. പാലക്കാട് ജില്ലയിൽ നിരവധി ഡാമുകൾ തുറന്നിട്ടുണ്ട്.