മാൽദീവിയൻ കൊച്ചി, തിരുവനന്തപുരം വിമാന സർവീസുകൾ വിപുലീകരിക്കുന്നു

മാലിദ്വീപിന്റെ ദേശീയ വിമാനക്കമ്പനിയായ മാൽദീവിയൻ കൊച്ചി, തിരുവനന്തപുരം നഗരങ്ങളിൽ നിന്ന് മാലിദ്വീപിലേക്കുള്ള വിമാന സർവീസുകൾ വിപുലീകരിക്കുന്നു.

 ഇതിന്റെ ഭാഗമായി ശരാശരി 17,500 രൂപയിൽ ആരംഭിക്കുന്ന റിട്ടേൺ നിരക്കുകളോടെ 152 സീറ്റ് എയർബസ് എ320 വിമാനം സർവീസ് നടത്തും.

മിതമായ നിരക്കിലുള്ള ടിക്കറ്റിൽ സൗജന്യ ഭക്ഷണം, ബാഗേജ് അലവൻസുകൾ, സുഗമമായ ആഭ്യന്തര ഇന്റർ-ഐലൻഡ് കണക്ഷനുകൾ എന്നിവ ഉൾപ്പെടുന്നതായി കമ്പനി വ്യക്തമാക്കി.

മാലിദ്വീപിലെ ഏറ്റവും വലിയ വിമാനക്കമ്പനിയായ മാൽഡീവിയൻ 17 ആഭ്യന്തര ലക്ഷ്യസ്ഥാനങ്ങളെ ബന്ധിപ്പിക്കുകയും ദ്വീപസമൂഹത്തിലുടനീളം തടസ്സമില്ലാത്ത പ്രവേശനം ഉറപ്പാക്കുകയും ചെയ്യുന്നു.

 വിപുലമായ ശൃംഖലയിലൂടെ, അന്താരാഷ്ട്ര യാത്രക്കാരെ രാജ്യത്തെ പ്രമുഖ റിസോർട്ടുകൾ, സാഹസിക കേന്ദ്രങ്ങൾ, സാംസ്കാരിക കേന്ദ്രങ്ങൾ എന്നിവയുമായി നേരിട്ട് ബന്ധിപ്പിക്കുന്ന ഒരു സമ്പൂർണ്ണ യാത്രാ പാക്കേജാണ് എയർലൈൻ വാഗ്ദാനം ചെയ്യുന്നത്.

തങ്ങളുടെ സുപ്രധാന വിപണികളിൽ ഒന്നായ ഇന്ത്യയിയിൽ നിന്ന് മാലിദ്വീപിലേക്ക് വരുന്ന യാത്രക്കാരെ സംബന്ധിച്ച് കൊച്ചിയും തിരുവനന്തപുരവും ഇപ്പോഴും വളരെ പ്രധാനപ്പെട്ട കവാടങ്ങളാണെന്ന് മാൽഡീവിയൻ കൊമേഴ്‌സ്യൽ (ഇന്റർനാഷണൽ) ജനറൽ മാനേജർ മുഹമ്മദ് സഫ പറഞ്ഞു.

ദേശീയ വിമാനക്കമ്പനിയും രാജ്യത്തെ ഏറ്റവും വലിയ ഓപ്പറേറ്ററും എന്ന നിലയിൽ യാത്രക്കാർക്ക് മാലിദ്വീപിലെ ആതിഥ്യമര്യാദ അനുഭവിക്കാൻ സഹായിക്കുന്ന വിമാനയാത്ര ഉറപ്പാക്കുക എന്നതാണ് ലക്ഷ്യമെന്നും അദ്ദേഹം പറഞ്ഞു.