കെ എസ് ആർ ടി സി ബസിൽ ക്യാൻസർ രോഗികൾക്ക് ഉപയോഗപ്രദമായ പ്രഖ്യാപനവുമായി മന്ത്രി ഗണേഷ്‌കുമാർ

തിരുവനന്തപുരം: കാൻസർ രോഗികൾക്ക് സംസ്ഥാനത്തെ എല്ലാ ആശുപത്രികളിലും കീമോതെറാപ്പി, റേഡിയേഷൻ ചികിത്സാവശ്യങ്ങൾക്കായി കെഎസ്ആർടിസി  ഓർഡിനറി മുതൽ സൂപ്പർ ഫാസ്റ്റ് വരെയുള്ള എല്ലാ ബസുകളിലും സൗജന്യ യാത്ര അനുവദിച്ച് ഉത്തരവിറക്കി മന്ത്രി കെബി ഗണേഷ് കുമാർ.

 ഇതിനായുള്ള യാത്രാക്കാർഡിന്റെ വിതരണവും മന്ത്രി നിർവഹിച്ചു. ദീർഘദൂര സർവീസ് നടത്തുന്ന ഉയർന്ന ക്ലാസുകളിലുള്ള ബസുകളിൽ യാത്ര ചെയ്യുന്ന കുട്ടികൾക്ക് ഗിഫ്റ്റ് ബോക്സ് നൽകുമെന്നും മന്ത്രി പറഞ്ഞു.

അടുത്ത ആറ് മാസത്തേക്കാണ് യാത്രക്കാരായ കുട്ടികൾക്ക് സമ്മാനപ്പൊതി നൽകുകയെന്നാണ് മന്ത്രി അറിയിച്ചിരിക്കുന്നത്.

കുട്ടികൾക്ക് കളർ ചെയ്യാനുള്ള ഒരു ബുക്ക്, ഒരു ബോക്സ് കളർ പെൻസിൽ, ഊതി വീർപ്പിച്ചാൽ ഐ ലൗ കെഎസ്ആർടിസി എന്ന് തെളിയുന്ന ബലൂൺ, ടിഷ്യു പേപ്പർ, അഞ്ച് മിഠായി എന്നിവയാണ് സമ്മാനപ്പൊതിയിൽ ഉണ്ടാകുക.

എസ്-ക്രോസ് എന്ന കമ്പനിയിൽ നിന്നുള്ള സ്പോൺസർഷിപ്പോടെയാണ് ഈ സമ്മാന പദ്ധതി കെഎസ്ആർടിസിയിൽ നടപ്പാക്കിയിരിക്കുന്നതെന്നും മന്ത്രി പറഞ്ഞു.

വളരെയധികം വിപുലമായ പദ്ധതികളാണ് ആവിഷ്കരിച്ചിരിക്കുന്നത്.ക്യാൻസർ മൂലം അവശത അനുഭവിക്കുന്നവർക്ക് വളരെ ആശ്വാസകരമായ വാർത്തയാണ് മന്ത്രിയുടെ ഭാഗത്തു നിന്നുണ്ടായിരിക്കുന്നത് .