സ്കൂളിലെ ഹിജാബ് വിവാദത്തിൽ പ്രതികരണവുമായി മന്ത്രി വി അബ്ദുറഹ്മാൻ .ന്യൂനപക്ഷങ്ങൾ ഒന്നിച്ചു മുന്നോട്ട് പോകണമെന്നും ചെറിയകാര്യങ്ങളെ വലുതാക്കി പ്രചരിപ്പിക്കരുതെന്നും മന്ത്രി പറഞ്ഞു

കൊച്ചി: പള്ളുരുത്തിയിലെ സ്‌കൂളിൽ കുട്ടി ഹിജാബ് ധരിച്ചെത്തിയതുമായി  ബന്ധപ്പെട്ടുണ്ടായ വിവാദം ഒരു ചെറിയ വിഷയമായി കാണണമെന്നും, ചെറിയ കാര്യങ്ങൾ വിപുലീകരിച്ചു വലിയ പ്രശ്‍നങ്ങളിലേക്കു കൊണ്ടെത്തിക്കാതെ  ന്യൂനപക്ഷ വിഭാഗങ്ങൾ എല്ലാവരും  ഒന്നിച്ചു മുന്നോട്ട് പോകണമെന്നും ന്യൂനപക്ഷ ക്ഷേമ മന്ത്രി വി. അബ്ദുറഹ്മാൻ പറഞ്ഞു .'

ഇത് ഒരു സ്‌കൂളിലെ ചെറിയ കാര്യമായി മാത്രം കണ്ടാൽ മതി. ചെറിയ ചെറിയ കാര്യങ്ങൾ ഊതിപ്പെരുപ്പിച്ച് വലിയ പ്രശ്‌നങ്ങളാക്കി മാറ്റാതിരിക്കാൻ ന്യൂനപക്ഷ വിഭാഗങ്ങൾ ശ്രദ്ധിക്കണം.

നമ്മൾ പഠിക്കുന്ന കാലത്ത് അധ്യാപകർ നമ്മളെ അടിക്കുമായിരുന്നു, അതൊന്നും നമ്മൾ പുറത്ത് പറഞ്ഞിരുന്നില്ല.

 നിസ്സാരമായി ഒതുക്കി തീർക്കേണ്ടിയിരുന്ന ചെറിയ പ്രശ്നത്തെ വലിയരീതിയിൽ ആവശ്യമില്ലാത്ത തരത്തിലുള്ള വിവാദങ്ങളിലേക്ക് വലിച്ചിഴയ്‌ക്കേണ്ട ഒരു കാര്യവും ഉണ്ടായിരുന്നില്ലെന്നും മന്ത്രി വ്യക്തമാക്കി .