ഹിജാബ് വിവാദത്തിൽ വിദ്യാർത്ഥിക്ക് പിന്തുണയറിയിച്ച് മന്ത്രി വി ശിവൻകുട്ടി;

കൊച്ചി: കൊച്ചി പള്ളുരുത്തി സെൻറ് റീത്താസ് സ്കൂളിലെ ഹിജാബ് വിഷയത്തിൽ വിദ്യാർത്ഥിനിക്ക് ഏത് സ്കൂളിലും പ്രവേശനം നേടാൻ അവസരമൊരുക്കുമെന്നും വിദ്യാർത്ഥിനിയ്ക്ക് എല്ലാ വിധത്തിലുമുള്ള പിന്തുണയും നൽകുമെന്ന്  വിദ്യാഭ്യാസമന്ത്രി വി ശിവൻകുട്ടി.

ഹിജാബിൽ വിട്ട് വീഴ്ചയില്ലെന്ന സ്കൂൾ മാനേജ്മെന്റ് നിലപാട് അസഹിഷ്ണുതയുടെ ഉദാഹരണമെന്നും ഇതിനെതിരെ മുഖ്യധാരാ രാഷ്ട്രീയ പാർട്ടികൾ ഒറ്റക്കെട്ടായി മുന്നോട്ട് വരണമെന്നും മുസ്ലിം ലീഗ് നേതാവ് പികെ കുഞ്ഞാലിക്കുട്ടിയും വ്യക്തമാക്കി.

ഇതിനിടെ സമൂഹ മാധ്യമത്തിലൂടെ വർഗീയ പ്രചാരണം നടത്തിയെന്ന് ആരോപിച്ച് സെന്റ് റീത്താസ് സ്കൂളിലെ പിടിഎ പ്രസിഡന്റിനെതിരെ പിടിഎ എക്‌സിക്യൂട്ടിവ് അംഗം നൽകിയ പരാതിയിൽ പൊലീസ് അന്വേഷണം തുടങ്ങുകയും ചെയ്തു .

വളരെ നിസ്സാരമായി ഒതുക്കി തീർക്കേണ്ട ഒരു വിഷയത്തെ ഇത്രയധികം വിവാദങ്ങളിലേക്കും അസഹിഷ്ണുത പരത്തുന്ന തരത്തിലുള്ള വർത്തകളിലേക്കും കൊണ്ടുപോകേണ്ട ഒരു കാര്യവും ഉണ്ടായിരുന്നല്ലെന്നും മന്ത്രി വ്യക്തമാക്കി .ചിലർ സമൂഹത്തിൽ വർഗീയത പരത്താൻ ആണ് ശ്രമിച്ചതെന്നും മന്ത്രി പറഞ്ഞു .