കൊച്ചിയിൽ സ്കൂളിൽ നടന്ന ഹിജാബ് വിവാദത്തിൽ പ്രതികരണവുമായി പി കെ കുഞ്ഞാലിക്കുട്ടി. കുട്ടിയുടെ വിദ്യാഭ്യാസം മുടക്കിയത് നിർഭാഗ്യകരമാണെന്ന് അഭിപ്രായപ്പെട്ടു

 തിരുവനന്തപുരം: പള്ളുരുത്തി സെന്റ് റീത്താസ് സ്കൂളിൽ നടന്ന  ഹിജാബ് വിവാദത്തിൽ ശ്രദ്ധേയ  പ്രതികരണവുമായി പി കെ കുഞ്ഞാലിക്കുട്ടി രംഗത്തെത്തി . കേരളത്തിൽ ഒരിക്കലും  സംഭവിക്കാൻ പാടില്ലാത്ത കാര്യമാണ് ഇപ്പോൾ നടന്നതെന്ന്  പികെ കുഞ്ഞാലിക്കുട്ടി വ്യക്തമാക്കി .

ഇതുവരെ  ഇത്തരത്തിൽ ഒരു സംഭവവും കേരളത്തിൽ നടന്നിട്ടില്ലെന്ന് പറഞ്ഞ   അദ്ദേഹം കുട്ടിയുടെ വിദ്യാഭ്യാസം മുടക്കിയത് നിർഭാഗ്യകരമാണെന്നും പറഞ്ഞു. പൊതു സമൂഹം ഇത്തരം കാര്യങ്ങൾ നിരുത്സാഹപ്പെടുത്തണം. നിയമം അനുസരിച്ച് വരണമെന്നാണ് പറഞ്ഞത്.

എന്ത് നിയമമാണ് അതെന്നും കുഞ്ഞാലിക്കുട്ടി ചോദിച്ചു. തലയിലെ ഒരു മുഴം തുണി കണ്ടാൽ പേടിയാകും, നിയമവിരുദ്ധമാണ് എന്നൊക്കെ പറഞ്ഞ് ഒരു കുട്ടിയുടെ വിദ്യഭ്യാസം മുടക്കിയത് വളരെ വളരെ നിർഭാഗ്യകരമാണെന്ന് കുഞ്ഞാലിക്കുട്ടി രൂക്ഷഭാഷയിൽ വിമർ‌ശിച്ചു. നിസ്സരമായി കാണേണ്ട വസ്തുതകളെ വളച്ചൊടിച്ചു സമൂഹത്തിനുമുന്നിൽ അവതരിപ്പിക്കപ്പെടുമ്പോൾ അതിനുള്ളിൽ ഇരയാക്കപ്പെടുന്ന മനുഷ്യരുടെ സങ്കടങ്ങളെ നിസ്സാരവത്കരിച്ചു കാണരുതെന്നും അദ്ദേഹം വ്യക്തമാക്കി .