: പുന്നപ്ര-വയലാര്‍ രക്തസാക്ഷി വാരാചരണത്തിന് ഇന്ന് സമാപനം.

ആലപ്പുഴ: പുന്നപ്ര-വയലാർ രക്തസാക്ഷി വാരാചരണത്തിന് ഇന്ന് സമാപനം. വലിയ ചുടുകാട്ടിൽ നിന്ന് വയലാർ രക്തസാക്ഷി മണ്ഡപത്തിലേക്കുള്ള ദീപശിഖാ റിലേയ്ക്ക് തുടക്കമായി . മുതിർന്ന സിപിഎം നേതാവ് ജി സുധാകരൻ ദീപശിഖ അത്ലറ്റുകൾക്ക് കൈമാറി.

 രാവിലെ 7.30 നായിരുന്നു ദീപശിഖ കൈമാറ്റം.

 വിഎസ് അച്യുതാനന്ദനാണ് 2019 വരെ ദീപശിഖ തെളിച്ച് കൈമാറിയിരുന്നത്. അതിനു ശേഷം ജി സുധാകരനാണ് ദീപശിഖ കൈമാറുന്നത്.ചടങ്ങിൽ പുന്നപ്ര - വയലാർ സമരസേനാനികളുടെ വിവരങ്ങളടങ്ങിയ 'പുന്നപ്ര വയലാർ സമരസേനാനികൾ ഡയറക്ടറി'യും മുഖ്യമന്ത്രി പ്രകാശനം ചെയ്യും.

 സിപിഐ സംസ്ഥാന സെക്രട്ടറി ബിനോയ് വിശ്വം, സിപിഎം, സിപിഐ മന്ത്രിമാരും നേതാക്കളും പങ്കെടുക്കും.

ഇരു കമ്യൂണിസ്റ്റ് പാർട്ടികളും സംയുക്തമായാണ് പുന്നപ്ര വയലാർ രക്തസാക്ഷി വാരാചരണ പരിപാടികൾ സംഘടിപ്പിക്കുന്നത്.രാഷ്ട്രീയവും ആശയപരവുമായ അസ്വാരസ്യങ്ങൾ ഇരുമുന്നണികൾ തമ്മിൽ ഉണ്ടെങ്കിലും പുന്നപ്ര വയലാർ രക്തസാക്ഷി വാരാചരണത്തിൽ ഒറ്റക്കെട്ടായി ആണ് പ്രവർത്തിക്കുന്നത് .