സർക്കാർ, സ്വകാര്യ സ്‌കൂളുകളിലെ വിദ്യാർഥികൾക്ക് പൊതു യൂണിഫോം അവതരിപ്പിക്കാൻ രാജസ്ഥാൻ വിദ്യാഭ്യാസ വകുപ്പ്

ജയ്പൂർ: രാജസ്ഥാനിലെ സർക്കാർ, സ്വകാര്യ സ്‌കൂളുകളിലെ വിദ്യാർഥികൾക്ക് പൊതു യൂണിഫോം അവതരിപ്പിക്കാൻ രാജസ്ഥാൻ വിദ്യാഭ്യാസ വകുപ്പ് ഒരുങ്ങുന്നു .

 വിദ്യാർഥികൾക്കിടയിൽ സമത്വവും അച്ചടക്കവും പ്രോത്സാഹിപ്പിക്കുകയാണ് ഈ സംരംഭത്തിന്റെ ലക്ഷ്യമെന്ന് വിദ്യാഭ്യാസ മന്ത്രി മദൻ ദിലാനർ പറഞ്ഞു.

 വസ്ത്രധാരണം അനായാസം ആക്കുന്നതിന് ടൈകൾ ഒഴിവാക്കുമെന്നും വിദ്യാഭ്യാസ വകുപ്പ് വ്യക്തമാക്കി.

അടുത്ത അധ്യയന വർഷം മുതൽ ജൂലൈ 1ന് പകരം ഏപ്രിൽ 1ന് രാജസ്ഥാനിലെ അക്കാദമിക് സെഷൻ ആരംഭിക്കുമെന്നും മന്ത്രി പ്രഖ്യാപിച്ചു.

 പാഠപുസ്തകങ്ങളുടെ സമയബന്ധിതമായ വിതരണം ഉറപ്പാക്കാനും വേനൽക്കാല അവധിക്കാലത്ത് വിദ്യാർഥികൾക്ക് മതിയായ പഠനം നൽകാനുമുള്ള നീക്കമാണ് ലക്ഷ്യമിടുന്നത്.

 നേരത്തെ പാഠപുസ്‌ക വിതരണത്തിലെ കാലതാമസം വിദ്യാർഥികൾക്ക് അസൗകര്യമുണ്ടാക്കി.

 പുതിയ ഷെഡ്യൂൾ മുഴുവൻ അക്കാദമിക് പ്രക്രിയയും സുഗമമാക്കാൻ സഹായിക്കും.

പഞ്ചായത്തിരാജ്, വിദ്യാഭ്യാസം, സംസ്‌കൃതം വകുപ്പുകൾക്ക് കീഴിലുള്ള ഓഫീസുകൾ എല്ലാ പ്രവൃത്തി ദിവസവും ദേശീയ ഗാനത്തോടെ ആരംഭിക്കുകയും അവസാനിക്കുകയും ചെയ്യുമെന്ന് ദിലാവർ പറഞ്ഞു.

 കൃത്യമായി ഹാജരാകുന്ന ആളുകളുടെ ഹാജർ മാത്രമേ രേഖപ്പെടുത്തൂ എന്ന് അദ്ദേഹം കൂട്ടിച്ചേർത്തു.

ഈ നടപടി വെറുമൊരു ഔപചാരികത മാത്രമല്ല ദൈനംദിന ഭരണത്തിൽ ദേശീയ അഭിമാനവും അച്ചടക്കവും വളർത്തിയെടുക്കാനുള്ള ഒരു മാർഗമാണെന്നും മന്ത്രി പറഞ്ഞു.