/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/10/24/murari-sabarimala-2025-10-24-11-02-49.jpg)
തിരുവനന്തപുരം: ശബരിമല സ്വര്ണക്കൊളളക്കേസില് രണ്ടാം പ്രതിയും മുന് എക്സിക്യുട്ടീവ് ഓഫീസറുമായ മുരാരി ബാബുവിന്റെ കസ്റ്റഡി കാലാവധി അവസാനിച്ചതിനെത്തുര്ന്ന് ഇയാളെ രാവിലെ റാന്നി കോടതിയില് ഹാജരാക്കും. കട്ടിളപ്പാളി തട്ടിയ കേസിലും മുരാരി ബാബുവിന്റെ അറസ്റ്റ് രേഖപ്പെടുത്തിയിരുന്നു. ഇതിനിടെ ഇന്നലെ കോടതി റിമാന്ഡ് ചെയ്ത ഉണ്ണികൃഷ്ണന് പോറ്റിയെ തിങ്കളാഴ്ച വീണ്ടും ഹാജരാക്കും. കട്ടിളപ്പാളി തട്ടിയ കേസിലും പോറ്റിയുടെ അറസ്റ്റ് അന്ന് രേഖപ്പെടുത്തിയേക്കും.
തുടര്ന്നാവും സന്നിധാനത്ത് എത്തിച്ചുളള തെളിവെടുപ്പ്. നിലവില് തിരുവനന്തപുരം സ്പെഷ്യല് സബ് ജയിലിലാണ് പോറ്റി. നരേഷ്, ഗോവര്ധന് എന്നിവരെയും വരും ദിവസങ്ങളില് ചോദ്യം ചെയ്യും എന്നാണ് വിവരം. ഇരുവരെയും ഒരുമിച്ചുള്ള ചോദ്യം ചെയ്യലാണ് കഴിഞ്ഞ ദിവസങ്ങളില് നടത്തിയത്. സ്വര്ണപാളികള് ചെമ്പ് പാളികള് എന്ന് രേഖപ്പെടുത്തിയതിലെ ഗൂഢാലോചനയിലാണ് ചോദ്യം ചെയ്യല്. നേരത്തെ ബെംഗളൂരു, ചെന്നൈ എന്നിവിടങ്ങളില് നടത്തിയ പരിശോധനയില് ഉണ്ണികൃഷ്ണന് പോറ്റിയും കൂട്ടാളികളും കവര്ച്ച ചെയ്ത സ്വര്ണത്തിന് തത്തുല്യമായ സ്വര്ണം പ്രത്യേക സംഘം കസ്റ്റഡിയിലെടുത്തിരുന്നു.
കേസില് ദേവസ്വം ഉദ്യോഗസ്ഥരോട് നിലപാട് കടുപ്പിച്ചിരിക്കുകയാണ് എസ്ഐടി. രേഖകള് നല്കാത്ത ഉദ്യോഗസ്ഥര്ക്കെതിരെ നിയമനടപടി സ്വീകരിക്കുമെന്ന് മുന്നറിയിപ്പ് നല്കി. ഇനി സാവകാശം നല്കാനാകില്ലെന്നും എസ്ഐടി അന്വേഷണ ഉദ്യോഗസ്ഥര് വ്യക്തമാക്കി. 1999 ല് വിജയ് മല്യ സ്വര്ണ്ണം പൊതിഞ്ഞതുമായി ബന്ധപ്പെട്ട കൂടുതല് രേഖകള് ഉടന് ലഭ്യമാക്കണമെന്ന് എസ്ഐടി ആവശ്യം. ശബരിമലയിലെ മരാമത്ത് രേഖകള് ഉള്പ്പെടെ അന്വേഷണത്തിന് അനിവാര്യമാണെന്നും രേഖകള് കണ്ടെത്താന് ഉദ്യോഗസ്ഥര്ക്ക് ഇനി സാവകാശം നല്കാന് ആകില്ലെന്നും എസ്ഐടി മുന്നറിയിപ്പ് നല്കി. അതേസമയം, ശബരിമല സ്വര്ണ്ണ കവര്ച്ച കേസില് റിമാന്ഡിലുള്ള ദേവസ്വം ബോര്ഡ് ഉദ്യോഗസ്ഥന് മുരാരി ബാബുവിനെ ഇന്ന് റാന്നി കോടതിയില് ഹാജരാക്കും. എസ്ഐടി കസ്റ്റഡി അപേക്ഷ നല്കും.