ശബരിമല സ്വർണമോഷണത്തിൽ ദേവസ്വം ബോര്‍ഡ് അംഗങ്ങള്‍ ആര്‍ക്കോ വേണ്ടി പ്രവര്‍ത്തിച്ചു എന്ന കണ്ടെത്തലിൽ എസ്ഐടി.

തിരുവനന്തപുരം: ശബരിമലയിലെ  സ്വർണമോഷണത്തിൽ  ദേവസ്വം ബോർഡ് അംഗങ്ങളും ജീവനക്കാരും ആർക്കോ വേണ്ടി പ്രവർത്തിച്ചുവെന്നും പിടിച്ചെടുത്ത   രേഖകളിൽ നിന്നുതന്നെ അട്ടിമറി വളരെയധികംവ്യക്തമാണെന്നും  എസ്ഐടി ഹൈക്കോടതിയെ അറിയിച്ചു.

ഹൈക്കോടതിയിൽ നൽകിയ റിപ്പോർട്ടിലാണ് നിർണായക കണ്ടെത്തൽ നടത്തിയിരിക്കുന്നത് . 2019ൽ സ്വർണ പാളികളും കട്ടിളയും കൈമാറാൻ തീരുമാനിച്ച ദേവസ്വം മിനിട്ടുസ് ബുക്ക് എസ്ഐടി പിടിച്ചെടുത്തു. എസ്ഐടി പരിശോധനയിലാണ് നിർണായക രേഖകൾ കിട്ടിയത്. രേഖകൾ കൈമാറുന്നതിൽ ബോർഡിന് വൈമുഖ്യമുണ്ടെന്നും നിരവധി തവണ ആവശ്യപ്പെടുമ്പോഴാണ് രേഖകൾ കൈമാറുന്നതെന്നും എസ്ഐടി വ്യക്തമാക്കുന്നു.

മോഷണം  മറച്ചുവെയ്ക്കാൻ ഇപ്പോഴത്തെ ബോർഡും ശ്രമിച്ചെന്ന നിഗമനത്തിലേക്ക് കോടതി എത്തിയതോടെ ദേവസ്വവും സർക്കാരും പ്രതിസന്ധിയിൽ ആയിരിക്കുകയാണ് .

ശബരിമലയിൽ ഇത്രയധികം സ്വർണം മോഷണം പോയതിന്റെ  പിന്നിലുള്ള  ഉത്തരവാദികൾ ആരാണെന്നതിൽ അന്വേഷണം തുടരുകയാണ്.

ശബരിമലയിൽ 2019 ൽ നടന്ന സ്വർണമോഷണം പുറത്തു വരാതിരിക്കാനാണ് ഇക്കൊല്ലവും സ്വർണംപൂശലിനുള്ള ചുമതല സ്പോൺസർ ഉണ്ണിക്കൃഷ്ണൻ പോറ്റിയെ തന്നെ ഏൽപിച്ചതെന്ന നിഗമനത്തിലേക്ക് ഹൈക്കോടതി എത്തിയതോടെ സർക്കാരും ബോർഡും കടുത്ത പ്രതിസന്ധിയിലായി.

 ദ്വാരപാലക ശിൽപങ്ങളിലും കട്ടിളപ്പാളികളിലും മാത്രമായി അന്വേഷണം ഒതുക്കരുതെന്നും പിന്നിലുള്ള വൻ ഗൂഢാലോചന പുറത്തുകൊണ്ടുവരണമെന്നും കോടതി നിർദേശിച്ചതോടെ ശബരിമല സ്വർണമോഷണത്തിന്റെ അന്വേഷണത്തിൻറെ ഗതി തന്നെ മാറുകയാണ്.